Охувчулар архивде
Белгили кюйде, 10-нчу мартда Россияда архивни къуллукъчуларыны гюню оьтгериле. Архивде бизин элибизни тарихи сакълана десек, башгъа артыкъ тюгюл. Неге тюгюл, шоларда белгили тарихи агьвалатлар, адамланы уьлгюлю загьматы, гьар-бир ишни гьакъында маълуматлар топлана ва гележек наслулар учун сакълана.
Шоллукъда, алдагъы гюнлерде район администрацияны къурум ишлерине жаваплы бёлюгю ва муниципал архиви Архивни къуллукъчуларыны гюнюне багъышлап, чара оьтгердилер.
Чараны барышында Къарабудагъгент тарихи-эл ахтарыв музейинде документли выставка гёрсетилди. Шо выставкагъа ДР-ни Баш пачалыкъ ва муниципал архивлени оригинал ва копия хас документлери къаравчуланы тергевюне салынгъан эди.
Аслу гьалда охувчуланы Дагъыстан АССР-ни 100 йыллыгъына багъышлангъан ва 1932-1939-нчу йылланы похозяйственный китаплары тергевюн тартды.
Чараны барышында Къарабудагъгент тарихи-эл ахтарыв музейни ёлбашчысы Х. Алиева ва район администрацияны къурум ишлерине жаваплы бёлюгюню ва муниципал архивини ёлбашчысыны орунбасары Р. Абужаев архив документлени сакълайгъан кюйлери гьакъда охувчулагъа тийишли баянлыкълар берди.
Олай да, чараны ортакъчылары архив бёлюкню иши булан ювукъдан таныш болду ва архив докуметлени оьзлени гёзлери булан гёрдюлер, къоллары булан тутдулар.
Шо чара оьсюп гелеген наслубуз учун агьамиятлы болар деп инанмагъа сюебиз.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
