Къаттылыкъны ва къоччакълыкъны гюнлери
Февраль айны 2-нде Къарабудагъгент Баш китапханада Совет асгерлерибиз Сталинград ябушувда уьст гелгенге багъышлангъан чара оьтгерилди. Белгили кюйде, Сталинград ябушувда кёп къанлар тёгюлген, жанлар сёгюлген.
Чараны ача туруп, китапханачы бир башлап охувчуланы алдын ерли гьазирленген «Поклонимся великим тем годам…» деген китап выставка булан таныш этди.
Сонг китапхананы къуллукъчулары Сталинград ябушувну, бир-бирине къаршы чыкъгъан тенгсиз савут гючлени, дав майданда болгъан уллу тас этивлени гьакъында хабарлады.
Чараны барышында белгили язывчуланы Сталинград ябушув гьакъда язгъан ялынлы сёзлери эсге алынды, шаирлер В.Боковну «На Мамаевом кургане, А.Сурковну «Защитник Сталинграда» деген шиърулары гёнгюнден охулду.
Сонг охувчулар «Сталинград: 200 дней мужества и стойкости» деген документ ва чебер китаплар булан таныш болду, 2 миллиондан да къолай шо давда жан бергенлени гьакъында документли хроникагъа къаралды.
Охувчулар Сталинград ва башгъа агьвалатлагъа багъышлангъан чебер асарлар булан таныш болду, совет солдатланы къоччакълыкъларын эсге алды.
Арадан 78 йыл гетсе де, Уллу Ватан давну ортакъчылары къыйынлыкъда оьтгерген сувукъ ва ач 200 гечесин ва гюнюн бизге унутмагъа ярамайгъаны ачыкъ. Совет солдатланы игитликлерин гележек наслугъа билдирмек, оланы эсделигине гьюрмет, гьар даим макътав этмек – бизин борчубуз.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
