Меню
16+

Сетевое издание «Будни района»

26.02.2021 08:43 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Яшлар бавунда шатлыкъ

Автор: Нюрсагьадат Изамутдинова

Февраль айны 12-нде Уллубий­авулдагъы 12 номерли «Фиалка» яшлар бавунда Дагъыстан АССР-ни 100 йыллыгъына багъышлангъан шатлы чара оьтгерилди. Шо чараны барышында яшлар бавуну бютюн коллективи, юртну школасыны муаллимлери, юрт администрацияны ва китапхананы вакиллери ортакъчылыкъ этдилер.

Шатлы чараны «Фиалка» яшлар бавуну музыкалы ёлбашчысы Гюлзарифа Ибашева ачды ва юрютдю. Ол оьзюню гиришив сёзюнде Дагъыстан АССР-ни къурулувуну ва оьсювюню гьакъында тындырыкълы кюйде маълуматлар берген сонг, яшлар бавуну гиччипавлары Дагъыстангъа багъышлангъан Р. Гьамзатовну, А. Жачаевни, Б. Самадовну шиъруларын гёнгюнден охудулар.

Масала, уллу «А» гюпню къызлары гюр­жюлю бийивню, уллу «Б» гюпню яшлары буса лезгинканы, орта гюпнюкюлер «Булакъ башда» деген бийивню, 2-нчи гиччи гюпню гиччипавлары халилер булангъы бийивню тийишли кюйде бийимеге бажардылар. Олай да, уланъяшлар – къойчуну, тарбиялавчулар буса улан-къызны жут бийивюн гёрсетдилер.

Шатлы чараны барышында къумукъланы алдынгъы ата-бабалардан къалгъан эсги адатлары сагьналашдырылды. Шо бийивлерде ва сагьналашдырывларда гиччипавлар ва тарбиялавчулар оьзлени артист пагьмуларын ва йырав бажарывлулугъун аян этмеге бажардылар.

«Юн булкъа» ва оьзге адатланы суратламагъа бажаргъаны оланы пагьмусун, усталыгъын, оьр даражада онгарылгъанын исбатлады.

Чараны оьтгеривде жыйылгъан ва къоллангъан милли опуракълар, ашлар, савут-саба, хынжаллар, хали-халча, уьйню тёр янын безейген очакъ, яшны салагъан бешик, алдынгъы иш тигив машин, эсги итив, ястыкълар ва пуружлар, оьзге тюрлю кёп санавдагъы къураллар ва алатлар къаравчуланы XX-нчы асруну 20-30-нчу йылларына чомулмагъа ва шо замангъы яшавну гёзден гечирмеге кёмек этди.

Чарада 60-дан артыкъ яшлар, олай да яшлар бавуну бары да къуллукъчулары гьаракатчы кюйде ортакъчылыгъын болдурдулар: Гюлзарифа Ибашева, Бежев Магьамматова, Зарима Халилова, Зайира Салаватова, Купияханым Айтекова, Зулайха Агьматова, Зайира Абдурагьманова, Бийке Жалилова, Зугьра Агьматова, Райгьанат Дадашева, Зулайха Балаева ва оьзгелери.

Чарада ортакъчылыкъ этген Б.Са­мадов оьзюню сёзюнде «Фиалка» яшлар бавуну ёлбашчысы Гюлназира Магьамматовагъа ва бары да къуллукъчуларына шулай арив маъналы ва яшлар учун пайдалы чараны оьтгергенине разилигин билдирген сонг, Дагъыстан АССР-ни кюрчюсюн салгъан Жалалутдин Къоркъмасовну, Уллубий Буйнакскийни ва оланы ёлдашларыны атларын уллу гьюрмет булан эсгерди ва халкъыбызгъа шону гьар заман билмеге чакъырды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3