Меню
16+

Сетевое издание «Будни района»

19.02.2021 11:05 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Шаир булан ёлугъув

Автор: Нюрсагьадат Изамутдинова

Февраль айны 11-нде Къарабудагъгент гимназияда Ана тилни халкъара гюнюне багъышлангъан чара оьтгерилди.

Чарада гимназияны муаллимлери ва 5-9-нчу класларыны охувчулары ортакъчылыкъ этди.

Ёлугъувну ачгъан Къарабудагъгент гимназияны педагог-къурувчусу Айгьанат Арсланбекова ону ортакъчылары булан саламлашгъангъан сонг, Ана тилни халкъара гюню, къумукъ тилни ва адабиятны гьакъында хабарлап, чараны юрютювчюлери – охувчулар Ф.Канзитдиновагъа ва А.Къагьрумановагъа сёз берди.

Олар Къарабудагъгент рай­онлу жагьил шаир, журналист, «Районну яшаву» газетни баш редакторуну орунбасары Багьавутдин Самадовну яратывчулугъу гьакъда хабарлады. Чараны юрютювчюлери оьзлени сёйлевюнде Б.Самадов район газетдеги гьар гюнлюк ишинден къайры да, кёп тюрлю республика ва халкъара конкурсланы, конференцияланы алдынлысы экенни эсгерди.

Сонг охувчулар: А.Межи­това, М.Къапланов, Б.Вагьапов, А.Расулова, Н.Валиева, Н.Ос­манова, А.Абдуллатипова, И.Къур­малиев, С.Салаватова, З.Абдурагьманова, С.Кан­зитдинова, Ф.Къа­закъ­мур­заева, Н.Кери­мгьажиева ва башгъалары Б.Самадовну «Умут» ва «Алгъа абат» деген китапларындагъы шиъруланы гёнгюнден охуду.

Б.Самадовну яратывчулугъу гьакъда сёзюн узата туруп, А.Арсланбекова шаирни яратывчулугъу бай ва тюрлю экенни эсгерди.

Баш китапхананы къуллукъчулары гьазирлеген шаир Б.Самадовну яратычулугъуна багъышлангъан выставкада ону китаплары ва тюрлю макъалалары ерлешген эди. Оланы гьакъында китапханачы А.Пашаева хабарлады, шаирни шиърулары юрт китап­ханалар, маданият къалалар оьтгереген чараларда охулагъанны эсгерди.

Къарабудагъгент гимназияны директору Адил Салаватов оьзюню сёйлевюнде Б.Самадовну таныйгъаны кёп болагъанны айтды.

- Багьавутдин сёзню устасы экенден къайры да, ол герти къурдаш да дюр. Къачан тарыкъ­ болса да, ондан якълав тапмагъа да, тюз насигьат эшитмеге де боласан.

Дагъыстанны маданиятына, ана тиллеге якълав якъда ону къошуму гёрмекли. Мен сизин шаирни яратывчулугъун билмеге ва огъар багьа бермеге чакъыраман, — деди ол.

Сёз берилген Б.Самадов чараны онгаргъанлагъа, ­оьтгергенлеге, китапхананы къуллукъчуларына, муаллимлеге ва охувчулагъа баракалла билдирди.

Сёзюн тамамлай туруп, Б.Самадов охувчуланы яхшы охумагъа, ана тилин сюймеге ва билмеге, тарбиялы болмагъа чакъырды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

9