Меню
16+

Сетевое издание «Будни района»

12.02.2021 10:19 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Вакцина этив юрюле

Автор: Багьавутдин Самадов

Алдагъы гюнлерде районну башчысы Магьмут Амиралиев Избербашдагъы шагьар больницада коронавирус аврувгъа къаршы этилеген вакцинаны экинчи гесегин (компонент)­ ­оьзюгер этдирген.

Вакцинаны этдиргинче, районну башчысыны савлугъуну гьалына тергев этилген. Демек, ону иссилиги тергелген, къаркъарасыны умуми гьалына къаралгъан.

Шо оьтгерилген тергевлени вакътисинде районну гьакимбашы Магьмут Амиралиев оьзюню гьалы ва савлугъу яхшы экенлигин айтгъан сонг, огъар «Спутник V» вакцинаны экинчи гесеги этилген.

Оьзюгер вакцинаны этип битген сонг, районну башчысы Магьмут Амиралиев районну халкъына вакцина этмекни гьакъында бирдагъы керен чакъырыв этген.

«Районну гьюрметли халкъы! Бугюнлерде арабызда бар коронавирус аврувну алдын алмакъ ва токътатмакъ учун гийирилген чараланы сакълай туруп, бизин докторларыбыз ва алимлерибиз этген вакцинаны этдирмеге сизин чакъыраман. Айтагъаным, аврувну алдын алмакъ ва гьалны яхшылашдырмакъ учун халкъны кёп яны вакцинаны этдирмеге герек», — деген М. Амиралиев.

Коронавирусгъа къаршы вакцинаны Къарабудагъгент район больницада да этдирмеге бола. Гьали КЦРБ-ге шолай ихитяр берилген.

Къарабудагъгент ЦРБ-ни баш врачыны поликлиника ишге жаваплы орунбасары Гюлженнет Расулова бизге берген маълуматлагъа гёре, 10-нчу февральгъа умуми алгъанда районда 109 адамгъа вакцина этилген.

Шоланы 89-у – медицина къуллукъчулар, 4-юсю ич ишлер къурумлардан, социал къурумлардан да 4 адам вакцина алгъан. Олай да, Избербаш ЦГБ-де 9 адамгъа укол этилген. Шолагъа вакцинаны экинчи гесеги де этилген.

Г. Расулованы сёзлерине гёре, авруву бар 3 адамгъа да вакцина салынгъан. Олар гёнгюллю кюйде этдирген. Умуми алгъанда Къарабудагъгент район больницада 637 адамны анализлери алынгъан ва олагъа тергев этилген. Шоланы арасында вакцина этмеге ярайгъанлар гезикге токътагъанлар.

Олай да, вакцина районну администрациясыны башчысыны 1-нчи орунбасары Ибрагьим Абдулмежитовгъа, Къарабудагъгент ЦРБ-ни баш врачы Расул Гьиравовгъа, ОМВД-ни Къарабудагъгент райондагъы бёлюгюню ёлбашчысы Герей Гереевге, социал сиясат бёлюкню ёлбашчысы Гюлжанат Темировагъа башгъа тюрлю медицина, муниципал, ихтияр якълав къурумланы къуллукъчуларына этилген.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

0