Меню
16+

Сетевое издание «Будни района»

12.02.2021 10:02 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Генгеш оьтгерилген

Чилле айны 10-нда, арбагюн, Къарабудагъгент районну башчысы Магьмут Амиралиев оьзюню ишчи кабинетинде ватандашланы къувунлу гьалны ва от тюшювню алдын алывгъа байлавлу генгеш оьтгерген. Генгешде сюрлюкген топуракъны масъаласы да арагъа салынып ойлашылгъан.

Генгешни барышында М.Амиралиев «Даггеомониторинг» ООО-ну гьасиллерине гёре, гележекде шо топуракъ дагъы да сюрлюкме имканлы экенни аян этген. Олай да, ол буссагьатгъы вакътиде сюрлюкген ерде фермер хозяйствону эки къабатлы бинасы ва ем цехни бинасы зараллангъанын айтгъан. Гёчген топуракъланы ювугъунда ватандашлар яшайгъан уьйлер де бар, бирлерине буса топуракъ янгыдан сюрлюксе, къоркъунчлукъ тувулунма имкан барын эсгерген.

М.Амиралиев оьзюню сёйлевюнде:

– Гёчген ерлеге къарайгъан идарадан специалистни чакъырып, тувулунгъан гьалгъа гёре тарыкълы чаралар гёрме герек яда уллу объектлени есилеринден сатып алып, компенсация тёлеме герек. Демек, объектлени есилеринден сатып алмакъ учун смета акъчаны багьасын токъташдырма тарыкъ, -деген районну башчысы.

Шо масъалагъа байлавлу комиссия Къарабудагъгент районну башчысыны 1-нчи орунбасары Ибрагьим Абдулмежитовгъа объектлени багьасын токъташдырма, специалист булан иш гёрме ва оьзге ишлер учун бир жума болжал берген.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3