Меню
16+

Сетевое издание "Району яшаву"  «Будни района»

24.12.2021 09:54 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Уьлгюлю загьмат

Автор: Нюрсагьадат Изамутдинова

Къарабудагъгент районну белгили адамларына багъышланып оьтгерилеген чараланы узата туруп, декабр айны 21-нде Къарабудагъгент Баш китапхананы ва тарих ва эл ахтарыв музейни къуллукъчуларын сиптечилиг булан бирдагъы бир чара оьтгерилди. Чара Россияны ва Дагъыстанны газ промышленостну кюрчюсюн салгъан, бизин районну белгили ватандашы Насрутдинов Насрутдин Илмутдиновичге багъышлангъан эди.

Ёлугъувда Къарабудагъгент юрт администрацияны башчысы Магьамматсолтан Гьасанов, районну тамазаларыны советини председатели Абдулгьамит Мамагишиев, Къарабудагъгент 1 ва 3 номерли орта школаларыны муаллимлери ва охувчулары, олай да музейни, китапхананы, юрт Маданият къаланы къуллукъчулары ортакъчылыкъ этди. Чарагъа гелгенлер, инг башлап, Дагъыстанда ва Россияда газ промышленостну къургъан Н.Насрутдиновну загьмат ёлуна багъышлангъан «Основатель газовой промышленности» деген газет-журнал выставкагъа тергевлю къарап чыкъдылар.

Къонакълар ерлешип олтургъан сонг, баш китапханачы Азинат Пашаева чараны ортакъчылары булан саламлашгъан сонг, Н.Насрутдиновну яшав ва загьмат ёллары, ону учун инг биринчи ерде халкъны яшаву болгъаны гьакъда сёйледи. Гиччиден берли къыйын яшавну сезген, юрт яшавну къагьрулугъун, авурлугъун гёрген Н.Насрутдинов гьакъ юрекден халкъны яшавун ­енгиллешдирмеге сюе болгъан. Шону учун не этме герек экен деп, кёп ойлашгъан. Мурадын яшавгъа чыгъармакъ учун ол гечесин-гюнюн бир этип чалышгъан, харж якъдан да, таныш-билиш якъдан да бары имканлыкъланы къоллагъан.

1974-нчю йыл Ленин районну (гьалиги Къарабудагъгент район) топурагъында 14,4 километр Къарабудагъ­гент юртгъа багъып ва 16 километр Къакъашура юртгъа ерли газ быргъылар салынгъан…

Сонг сёз берилген ДР-ни ат къазангъан муниципал къуллукъчусу, район тамазаланы Советини председатели, Н.Насрутдиновну ювукъ къурдашы А.Мамагишиев Н.Насрутдиновну лайыкълы загьматы гьакъда мисаллар гелтире туруп хабарлады. Ону атына кёп макътавлу сёзлер айтды, охувчуланы ва яшёрюмлени Н.Насрутдинов йимик адамланы загьматындан уьлгю алмагъа чакъырды.

Чараны узата туруп, сёз берилген Къарабудагъгент 1 номерли орта школаны охувчулары белгили шаир Узлипат Ибрагьимованы Насрутдин Насрутдиновгъа багъышлангъан шиъруларын гёнгюнден охуду.

Чара Н.Насрутдиновну яшав ва загьмат ёлларына багъышлангъан фильм булан тамамланды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4