Меню
16+

Сетевое издание «Будни района»

29.01.2021 09:50 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Музейге чакъырабыз

Бу йыл январ айны 20-нда тав элибиз – Дагъыстан къурулгъанлы 100 йыл тамамланды. 1920-нчы йылда Дагъыстанда толу кюйде Совет гьукумат къурулуп битген ва милли гьукумат къурувну масъалаларына къаралма башлангъан. 1920-нчы ­йылны ноябр айыны 13-нде Темирхан-Шурада Дагъыстанны халкъларыны Алгъасавлу (Чрезвычайный) съезди оьтгерилген.

Шо съездни барышында РСФР-ни милли масъалалагъа къарайгъан халкъ комиссары И.В.Сталин Дагъыстан АССР къурулгъанлыгъы гьакъда декларацияны халкъгъа малим этген.

ВЦИК 1921-нчи йылны январ айыны 20-нда Дагъыстан АССР къурмакъ гьакъда Декрет къабул эте.

1921-нчи йылны декабр айында Дагъыстанны халкъларыны I съезди оьтгериле. Шо съездде Дагъыстанны гьакимият къурумлары къурулма герекли документлер къабул этиле, депутатлар бир тавушдан рази бола ва ДАССР къурула.

ДР-ни Башчысыны заманлыкъгъа борчларын кютеген Сергей Меликов 2021-нчи йыл Дагъыстанда ДАССР къурулгъанлы 100 йыл болагъанлыгъыны Йылы деп билдиргенге гёре, сав 2021-нчи йылны узагъында тюрлю байрам чаралар, спорт ярышлар, форумлар, выставкалар, фестиваллар оьтгерилип туражакъ.

Шо тарих агьвалат гьакъда Уллубийавул юртубузда Уллубий Даниялович Буйнакскийни атындагъы музейде кёп маъналы документлер бар. Олай да, 2021-нчи йыл ДАССР къурулгъанлы 100 йыл болагъанлыгъыны Йылы деп билдирилгенге гёре, ДР-ни А.Тахо-Години аты къоюлгъан милли музейини филиалы – У.Буйнакскийни Уллубийавулдагъы Мемориал музейинде йылны узагъында тюрлю чаралар, ёлугъувлар оьтгерилежек.

Шоларда ортакъчылыкъ этмеге, музейдеги документлер булан таныш болмагъа биз районну халкъын чакъырабыз.

Гелигиз, гьюрметли районлулар, биз сизин къаравуллайбыз.

З.Магьамматов, Уллубий Буйнакскийни атындагъы музейни ёлбашчысы

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

54