Меню
16+

Сетевое издание «Будни района»

22.01.2021 09:30 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Къутлавлар

Январ айны 20-нда Россияны Президенти Владимир Путин дагъыстанлыланы ДАССР къурулгъанлы 100 йыл болагъанлыгъы булан къутлагъан.

Дагъыстан асруланы боюнда гьар тюрлю маданият вакиллерини, кёп халкъны уью болуп тургъан. Дагъыстанны бай тарихи булангъы варислиги, къонакъ этеген ва хоншулар булан яхшы аралыкъ юрютеген адатлары, яратывчу загьматгъа сюювю, ожакъдагъылагъа ва уллулагъа аяп къарайгъанлыгъы наслудан-наслугъа берилип юрюй. Бугюн сиз ругь байлыкъны гьюрметлейсиз, эжелги адатланы янгыртасыз, белгили адамларыгъыз – алимлер, спортменлер, гьукумат чалышывчулар, къоччакълыкъ гёрсетген адамланы аты булан оьктем боласыз. Дагъыстан республиканы халкъларыны къаттылыгъы, батырлыгъы оьз Дагъыстанын якълавда халкъара терроргъа къаршы ябушагъанда да билинди.

Айрокъда жамиятны арасында милли разилешивню ва парахатлыкъны сакъламакъ –регионну экономика ва социал оьсювюне байлавлу комплекс масъалаланы чечивде, олай да предпринимательствону якълап, гьалиги иш ерлер ва производствону къурувда, билим беривню ва савлукъ сакълавну янгыртывда мукъаятлы кюрчю болуп токътай. Сизге Дагъыстан республиканы, бизин ватанны пайдасы учун гёз алгъа тутгъан планларыгъызны яшавгъа чыгъарывда ва чечеклендиривде уьстюнлюклер ёрайман!

В.В.Путин, Россия Федерацияны Президенти

Гьалиден 100 йыл алъякъда, 1921-нчи йылны январ айыны 20-нда, ВЦИК къабул этген декрет булан Дагъыстан Автоном Совет Социалист республика къурулгъан ва Россияны сыдраларына къабул этилген. Бу тарихи акт бизин республиканы кёп миллетли халкъларыны гьаракатын, къастларын беклешдирген, Дагъыстанны ва Россияны бузулмажакъ бирлигине кюрчю салгъан.

Генг ихтиярлар берилген Дагъыстан къысгъа болжалны ичинде чечекленивге, оьсювге ёл ачгъан, алгъа салынгъан борчланы, гёз алгъа тутгъан планланы яшавгъа чыгъарывда бар имканлыкъланы аян этген.

Дав йылланы авурлукъларын, четимликлерин намуслу кюйде гётерип кёп миллетли Дагъыстан ва бизин уьлкени оьзге миллетлери булангъы бирлик, дослукъ дагъыдан-дагъы беклешген.

1999-нчу йыл халкъара террористлер Дагъыстангъа намарт хыяллар булан гиргенде дагъыстанлылар В.В.Путинни ёлбашчылыгъы булан къатты къапас берме, къувалама бажардылар. Шо вакъти халкъланы арасында бирлик, дослукъ, патриот ругь болмагъан эди буса, пачалыкъны тозулувуну къоркъунчлугъу бар эди.

Биз оьз халкъыбызны тарихине гьюрмет булан янашма, гьалиги девюр ва гележек учун дурус гьасил чыгъарма герекбиз.

Бизин республикабызны 100 йыллыкъ тарихи исбатлайгъан кюйде, гьалиги ва гележек нас­луну шат къысматы Россияны халкълары булан тыгъыс аралыкъланы, бирликни, дослукъну сакълав ва беклешдирив булан байлавлу.

Бугюн биз гележекге яхшы хыяллар булан къарайбыз, Дагъыстан халкъларыны гьакъыллылыгъына, бирлигине инанабыз. Биз барыбыз да, биревлеге Дагъыстан – оьз уью, ону къудратлы, оьсген, чечекленген республика гьисапда гёрме сюебиз. Республиканы ёлбашчыларыны атындан бары да дагъыстанлыланы Дагъыстан АССР къурулгъанлы 100 йыллыкъ юбилейи булан къутлайман. Барыгъызгъа да къатты савлукъ, парахатлыкъ, барлыкъ ёрайман!

С.А.Меликов, Дагъыстан республиканы башчысыны заманлыкъгъа борчларын кютювчю

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5