Меню
16+

Сетевое издание «Будни района»

04.09.2020 09:37 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Сессия оьтгерилди

Автор: Багьавутдин Самадов

Сентябр айны 1-нде район администрацияны жыйынлар оьтгерилеген уллу залында «Къарабудагъгент район» муниципал къурулувуну депутатларыны Жыйыныны 3-нчю чакъырывуну ахырынчы сессиясы оьтгерилди. Сессияны район Жыйыныны ёлбашчысы Бекболат Сахаватов ачды ва юрютдю. Инг башлап ол депутатланы сессияны гюнлюк низамы булан таныш этди.

Сессияны ишинде районну башчысы Магьмут Амиралиев де ортакъчылыгъын болдурду.

Сессияны аслу масъаласы – «Къарабудагъгент район» муниципал къурулувну 2020-нчы ва планлы 2021-2022-нчи йыллагъа къабул этилген бюджетге алмашынывлар этив гьакъда районну администрациясыны финанс ишлеге къарайгъан управлениесини ёлбашчысы Абубакар Шагьманаев доклад булан сёйледи.

А.Шагьманаев эсгерген кюйде, 1-4-нчю класларда охуйгъан охувчулагъа гюнде 2 керен исси аш бермек учун бюджетден таба акъча маялар гёрсетиле. Ачыкълашдырып айтсакъ, гюнге бир охувчугъа сентябр айдан башлап исси аш учун 61 манат акъча гёрсетиле. Демек, А.Шагьманаев умуми алгъанда савлай районгъа шо харж учун 22 миллион 238 минг манат акъча гёрсетилегенин аян этди.

Сессияны барышында сёйлеген районну башчысы М.Амиралиев транспорт налогну толу кюйде жыймакъ учун хас къурал (специальное оборудование) алмагъа тарыкълыгъын ачыкълашдырды. Демек, район бюджетден шо къуралны алмакъ учун 600 минг манат акъча тарыкъ­ экенлигин депутатлагъа англатды.

Эсгерилген хас къурал транспорт налог борчу бар машин гьайдавчуланы йыракъдан туралы аян этмеге болажагъын эсгерди.

Район Жыйыныны депутатлары, бюджетге алмашынывлар эте туруп, тийишли къарарлар къабул этди.

Район Жыйыныны башчысы Бекболат Сахаватов эсгерген кюйде, район Жыйыныны уьчюнчю чакъырыву умуми алгъанда 37 сессия оьт­герген. Шо сессияларда депутатлар 238 масъалагъа къарагъан ва шолагъа гёре къарарлар къабул этген.

Районну Жыйыныны ёлбашчысы Б.Сахаватов ва районну башчысы М.Амиралиев район Жыйыныны уьчюнчю чакъырывуну депутатларына, районну халкъыны талапларын ва ихтиярларын якъламакъ муратда чалышгъаны саялы, баракалла билдире туруп, энниден сонг да савлукъ, насип ва оьрлюклер ёрадылар.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

1