Меню
16+

Сетевое издание «Будни района»

04.09.2020 09:25 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Къарабудагъгент 1 номерли орта школада

Автор: Абдуллабек Самадов

Къарабудагъгент 1 номерли орта школаны алдында къолларында гюллери де булангъы гиччипавлар класлагъа гирмеге гьасирет кюйде къаравуллап токътагъанлар. Оланы артында тизилишген оьр класланы охувчулары да муаллимлери булан лакъырлаша туруп токътагъан.

Школаны айтылгъан муаллимлеринден бириси Патимат Гьасанбекова, Билимлени гюнюне багъышлангъан ёлугъувну ача туруп, яшланы ва оланы узата туруп гелген ата-аналаны башлапгъы зенгге багъышлангъан чара булан къутлады. Сонг ол школаны директору Рупия Парзаевагъа сёз берди. Ол оьзюню сёзюн биринчи зенгни къаравуллап токътагъан, школаны башлапгъы класларында билим алмагъа башлажакъ гиччипавлагъа багъышлап сёйлей туруп, оланы ва олагъа тарбия ва билим бережек муаллимлени шо гюнгю шатлы мердеш булан къутлады. 1-нчи сентябрде оьзлени школасында билимлени дюньясына биринчилей абат басагъан 52 де охувчугъа яхшылыкълар ёрап сёйледи ва тарбиялы болуп билимлеге ес болмакъны ёрады. Сонг гиччипавланы бир бёлюгю школагъа багъышлап шиърулар охудулар. Башлапгъы зенгге багъышлангъан чараны ортакъчысы, эсгерилген школаны муаллими Анисат Мурзаева, яшланы ата-аналарыны атындан сёйлей туруп, школаны бары да муаллимлерине савлукъ ва ишинде уьстюнлюк­лер ёрады. Охувчу яшлар учунгъу башлапгъы зенгни эсгерилген школаны башлапгъы класларыны охувчусу Адам Абушев къакъды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2