Меню
16+

Сетевое издание «Будни района»

07.08.2020 09:50 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Ёлугъув оьтгерилди

Автор: Шихав Къайирбеков

Июль айны 30-нда «Къарабудагъгент район» муниципал къурулувуну башчысы Магьмут Амиралиев кёп транспорт налог борчлары бар уллу машинлени есилери булан ёлугъув оьтгерген.

Магьмут Амиралиев билдирген кюйде, ДР-ни Президенти Владимир Васильев транспорт налогну гьалиги харжлав къайдасына рази.

Районда жыйылагъан бары да транспорт налог савлай бизин районгъа къайтарылажакъ, шо акъчагъа юртланы ичиндеги гьар тюрлю этме герекли ишлени кютмеге болажакъ. Гьар юртгъа жыйылгъан налоггъа гёре акъча берилежек.

Районну башчысыны сёзлерине гёре, транспорт налогну жыйылывундан районубузну эсги ёлларын онгарыв ва янгы ёллар къурув гьасил бола. Оьтгерилген жыйында белгили болгъан кюйде, бизин районну 270 миллион манатгъа транспорт налог борчу бар.

Уллу машинлени есилери районну башчысы Магьмут Амиралиевге оьз­лени масъалалары ва тилевлери булан ёлугъуп болардай хас комиссия къурмакъны гьакъында тилеген.

Районну башчысы билдирген кюйде, транспорт налогну масъалаларына къарайгъан ведомствоара комиссия къурулгъан ва иш гёре.

Шо комиссиягъа район администрацияны, налог инспекцияны, ГИБДД-ни, суд приставланы вакиллери гире. Ёлугъувну тамамлай туруп, районну башчысы Магьмут Амиралиев уллу машинлени есилерине транспорт налогну заманында тёлеме герекни гьакъында такрарлагъан ва заманында налогларын тёлемеген машин гьайдавчулар ёлларда тюрлю пуршавлукълагъа, четимликлеге ёлукъмагъа болагъанын англатгъан.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2