Алдынлы ерлени алгъанлар
Август айны 22-синде Ботлих районну Рахата юртунда белгили спортчу Магьаммат Сахратуллаевни эсделигине «Стрела в бурке»-деген чакъырывну айланасында окъ атывдан республика ярышлары оьтгерилген.
Шо ярышларда республиканы шагьарларындан, районларындан гелген спортчулардан къайры да Ставропол крайдан гелген спортчулар да ортакъчылыкъ этгенлер. Окъ атыв ярышлар 7 тюрлю категорияда юрюлген. Шо ярышларда ортакъчылыкъ этген 100-ге ювукъ окъ атывчуланы арасында бизин районну якълап, Къарабудагъгентден баргъан окъчуларыбыз да ортакъчылыгъын болдургъанлар ва яхшы натижалар гёрсетип, алдынлы ерлени къазанма бажаргъанлар. Масала, Къарабудагъгент ДЮСШ-ден барып шо ярышда ортакъчылыкъ этген Болат Гьажиев окъ атывну адатлы къайдасындан – 1-нчи ерге, яш спортчуланы арасындан Магьаммат Гьажиев – 3-нчю, Али Къапуров буса 2-нчи ерлени алгъанлар.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
