Гюз чачывгъа гьазирлик гёрюле
Районда 2020-нчы йылны тюшюмю учун чачылгъан гюзлюк, язлыкъ къылчыкълы ашлыкъланы тюшюмюн къайтарыв уьстюнлю кюйде тамамланды. Бу йылны тюшюмю учун районда 14199 гектар майданларда ашлыкъларыбыз бар эди.
Районну авлакъчылары, механизаторлары ашлыкъ къайтарыв кампаниягъа комбайнланы, оьзге тюрлю техниканы ремонтларын алданокъ кютюп, гьазирлик линейкагъа салгъан эдилер.
Ашлыкъ къайтарыв къурумлу кюйде тас болувлагъа тарымай тамамланды. Авлакъчыларыбыз 2020-нчы йылны тюшюмю учун чачылгъан тарлавлардан умуми алгъанда 3146 тон ашлыкъ алгъан. Гектаргъа гьисап этгенде 22,1 центнер бола. Шоллукъда, ашлыкъ оьсдюрювчюлерибиз гетген йылдан эсе бу йыл 6 минг тон ашлыкъ артыкъ къайтаргъанлар.
2020-нчы йылда Гьели, Къарабудагъгент, Губден юрт муниципал къурулувланы авлакъчыларыны гьасиллери гёрмекли. Бу муниципал къурулувларда айры-айры участкалардан 25-30 центнер алынгъан.
Ашлыгъы къайтарылгъан тарлавланы саламы жыйылып битген.
Районну юрт хозяйство управлениесини ёлбашчысы Ш.Мустапаев билдиреген кюйде, бугюнлерде ерлерде 2021-нчи йылны тюшюмю учун гюз чачывгъа гьазирлик гёрюле. Демек, топуракълар сюрюле. Районну ашлыкъ оьсдюрювчюлери 2020-нчы йылны гюзюнде гелеген йылны тюшюмю учун 11 минг гектаргъа къылчыкълы ашлыкълар чачма хыял этелер. Сюрювге муниципал къурулувларда 28 трактор къуршалгъан. Буссагьатгъы вакътиде районда 3 минг гектардан къолай сюрюлюп гьазир топуракълар бар. Ерлерде сюрювню темплери гюн сайын чалтлаша барагъанны эсгерди Ш.Мустапаев.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
