Меню
16+

Сетевое издание «Будни района»

30.07.2020 14:29 Четверг
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Дёргелиге баргъан

Автор: Нюрсагьадат Изамутдинова

Июль айны 23-нде ДР-ни Халкъ Жыйыныны депутаты Магьамматсолтан Магьамматов «Къарабудагъгент район» администрацияны башчысы Магьмут Амиралиев ва башгъа жаваплы къуллукъчулар булан Къарабудагъгент районну Дёргели юртундагъы участка больницаны къурув ишлерине тергев этген. М.Магьамматов больницаны ичинде этилеген ишлени гёзден гечирген сонг, салынажакъ медицина къуралланы гьакъында сорагъан. Олай да, инг де аслусу больницада сынавлу квалификациялы къуллукъчулар ишлеме герегин англатгъан.

Магьмут Амиралиев депутатыбыз Магьамматсолтан Магьамматовгъа больницаны ва юрт администрацияны ягъындагъы, оьзлерде «Мой Дагестан – комфортная городская среда» деген программагъа гёре иш юрюлген скверлени гёрсетген. Шо скверлер гетген 2019-нчу йылны ахырында ватандашлагъа къоллавгъа берилген. Скверлени умуми майданы 7 минг квадрат метрден де оьте. Оларда агьлюлер яшлары булан ял алып болагъаны гьакъда да районну башчысы М.Магьамматовгъа ­айтгъан.

Дёргелиде ишленип турагъан участка больницада аврувлар учун 10 ятагъан койка ер бар.

Больницада бары да ишлер этилип битген. Шо ишлени этмек учун 100 миллион манатдан да къолай акъча харжлангъан.

Бу йыл больницаны 70 миллион манатны къадарында медицина къураллар булан толумлашдырма гёз алгъа тутулгъан.

Бары затгъа тергевлю къарагъан ва тынглагъан сонг, ДР-ни Халкъ Жыйыныны депутаты М.Ма­гьамматов подрядчы къурумну ишине яхшы багьа берген ва больницаны гёз алгъа тутулгъан заманында ачмакъ учун бары гючюн салып гьаракат этме гереги гьакъда айтгъан.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3