Меню
16+

Сетевое издание «Будни района»

03.07.2020 09:30 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Гезиксиз сессия оьтгерилди

Автор: Шихав Къайирбеков

Июн айны 30-нда район администрацияны жыйынлар оьтгерилеген залында район Жыйыныны депутатларыны 3-нчю чакъырывуну гезиксиз 35-нчи сессиясы оьтдю.

Сессияны гюнлюк иш низамында район Жыйыныны депутатлары «Къарабудагъгент район» муниципал районну 2020-нчы йылгъа ва планлы 2021-нчи, 2022-нчи йыллагъа къабул этген бюджетине алмашынывлар этив, «Къарабудагъгент район» муниципал районну ерли оьз ишин оьзлер юрютеген къурумларда гьакъ тёлевню тасдыкъ этив, «Район Жыйыныны депутатларыны 2020-нчы йылны экинчи яртысына иш планын тасдыкъ этив», районну башчысы М.Амиралиевни районда коронавирус инфекция аврувну алдын алывгъа байлавлу болуп, ону къурумчулукъ гьаракатын гьисапгъа алып, оьр къурумлагъа ону савгъатлама таклиф этдилер.

Арагъа салынып ойлашылгъан масъалалагъа байлавлу болуп, районну акъча ишлеге къарайгъан управлениесини ёлбашчысы Абакар Шагьманаев чыгъып сёйледи, депутатлагъа район бюджетге не саялы алмашынывлар этегенин малим этди.

Сессияда депутатланы район Жыйыныны председатели Бекболат Сахаватов, депутатланы район Жыйыныны депутаты Абужалил Абакаров ёлдашлар да чыгъып ­оьзлени пикирлерин айтдылар.

Район Жыйыныны депутатлары арагъа салынып ойлашылагъан масъалаланы бир тавушдан якъладылар. Сессияда къаралгъан масъалалагъа гёре тийишли къарарлар къабул этилди.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2