Шагьатнамалар берилди
Июль айны 8-нде «Къарабудагъгент район» муниципал районда 2020-нчы йылны выпускниклерине ГТО-дан Бютюнроссия физкультура-спорт комплексни шагьатнамалары ва белгилери тапшурулду.
Демек, 2020-нчы йылда ГТО-ну беривню 5-нчи канзисинде бизин райондан 380 адам ортакъчылыкъ этген. Шоланы ичинде 29 охувчу алтын, 17 охувчу гюмюш ва багъыр медаллар къазангъан.
«Готов к труду и обороне» деген Бютюнроссия физкультура спорт комплексде арты уьзюлмейген кюйде ишге гиришегенлик яшланы физкультура ва спорт булан машгъул болма, яхшы натижалагъа етишме болушлукъ эте. Районну башчысы Магьмут Амиралиев спортда алдынлыкъ алгъан выпускниклеге ГТО ВФСК-ни белгилерин тапшурду ва нормативлени кютме бажаргъаны булан къутлап, олагъа къатты савлукъ ва оьрлюклеге етмекни ёрады.
Олай да, шагьатнамалар ва белгилер тапшурувда социал-сиясат управлениени ёлбашчысы Гюлжанат Темирова, физкультура ва спорт бёлюкню ёлбашчысы Завур Умаракъаев, олай да ГТО комплексни тренерлери Исмайыл Атаев ва Магьамматсалам Багьриев ортакъчылыгъын болдурду.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.