Меню
16+

Сетевое издание «Будни района»

11.06.2020 16:58 Четверг
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Тавуш берив оьтгерилежек

Автор: Шихав Къайирбеков

Алдагъы гюн район администрацияны залында оьтгерилген оператив генгешде Россия Федерацияны Конституциясына алмашынывлар этмек учун бютюнроссия тавуш берив масъаласына къаралды ва шогъар гёре Къарабудагъгент ТИК-ни ёлбашчысы М.Алпанаев чыгъып сёйледи.

Ол 2020-нчы йылны июль айыны 1-нде Россия Федерациясыны Конституциясына алмашынывлар этмек учун оьтгерилежек тавуш беривню гьакъында баянлыкъ берди.

Белгили болгъан кюйде, бу йылны апрель айыны 22-нде Россия Федерацияны Конституциясына алмашынывлар этмек учун оьтгерилме герекли бютюнроссия тавуш берив коронавирус инфекция булангъы эпидемиология гьал тувулунгъан саялы артгъа тартылды.

2020-нчы йылны июн айыны 1-нде РФ-ни Президенти Владимир Путин ЦИК-ни ёлбашчылары ва къурулгъан ишчи группа Россия Федерацияны Конституциясына алмашынывлар этмек учун июль айны 1-нде оьтгерилме герек деген бютюнроссия тавуш беривню якълады.

Июн айны 2-нде Центризбирком Россия Федерацияны Конституциясына алмашынывлар этеген бютюнроссия тавуш беривню янгыртмакъ учун гьазирлик гёрдю.

Бизин уьлкебизни тарихинде тавуш беривге онгарылыв биринчилей къыйын санитар эпидемиология шартларда оьтгериле.

Шо саялы Центрдагъы сайлав комиссия Роспотребнадзор булан бирликде сайлавланы оьтгерилеген юрюшюн алышдыргъан.

Демек, янгы шартлагъа гёре, тувулунгъан эпидемиология гьал себепли болуп, июль айны 1-нде сайлавлар оьтгерилежек.

Янгы къайдагъа гёре, июн айны 25-нден башлап бизин районда яшайгъанлар ­оьзлени участкаларына гелип тавуш берме бола.

Тавуш берме гелегенлер маскалар, къолгъаплар антисептиклер булан таъмин этилинежек.

Тавуш берив оьтгерилеген биналарда гьар гюн санитар гьал болдурулажакъ.

Тавуш берме гелгенлеге бир керен къолланагъан ручкалар берилежек. Олай да, оланы температурасы тергележек.

Тавуш берив комиссияланы бары да уьюрлерине коронавирус инфекциягъа къаршы тест этилежек ва участкалагъа гирегенлер ва гетегенлер айрыча болажакъ.

Демек, тавуш берив кабиналар тамланы къырыйына салынажакъ.

Тавуш бермеге гелген ватандашлар сайлав участ­када олтургъанлагъа документлерин арекден гёрсетип къойса да таманлыкъ этежек.

Сонг да, июн айны 5-нден 21-и болгъунча «Мобильный избиратель» деген функциягъа гёре ерли МФЦ-де тавуш бермек учун арза бермеге бола.

Оьтгерилежек бютюнроссия тавуш беривде оьзюню тергевчюлерин бир пача­лыкъ орган — жамият палата йибережек.

Къарабудагъгент районда 2020-нчы йылны июль айыны 1-нде 32 сайлав участкалар ачылажакъ. Райондагъы тавуш берегенлени умуми санаву — 51084 адам.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2