Гезикли жыйын
Алдагъы гюн коронавирус инфекция аврувну алдын алыв булан ябушув юрюте туруп, ДР-ни башчысы Владимир Васильевни ёлбашчылыгъы булан оператив штабны гезикли заседаниясы болду.
Роспотребнадзорну Дагъыстан управлениесини ёлбашчысы Николай Павлов билдиреген кюйде, республиканы территориясында санитар-эпидемиология гьал гьали де ёрукълашгъан деп айтма къыйын. Коронавирус инфекция аврувну яйылывуну къоркъунчлугъу бар. Гьал- гьазирлик чараны енгиллешдиривню биринчи бёлюгюн яшавгъа гийирме тез. Шо бир вакътини ичинде ерлерде гьал ёрукълаша, авруйгъанланы санаву аз болгъан, гьакъыкъатда енгиллешдиривню биринчи этабына гиришме инамлыкъ тувдура.
Республиканы башчысы В.Васильев республиканы савлукъ сакълав министри Жамалутдин Гьажиибрагьимовдан дазулангъан гьазирликни енгиллешдирмек деген пикирге нечик янашагъанын ахтаргъан. Ол бютюнлей Николай Павловну позициясын якълайгъанын англатгъан. «Бизде гьал авур тюгюл, тек мен биринчи этапгъа гёчме алгъасамас эдим»,- деген республиканы савлукъ сакълав министри.
Эсге салабыз: янгыз Къарабудагъгент район ва Дербент шагьар тест режимде коронавирус инфекция аврувну алдын алывда биринчи енгиллешдирив этапгъа гёчген.
Ондан къайры да, ВКС байлавлукъда районну башчысы М.Амиралиев Манас посёлокда пропуск постну тайдырма таклиф берген.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
