Рейдлер оьтгериле
Бизин районну территориясында коронавирус инфекцияны алдын алмакъ ва санитар эпидемиология гьалны яхшылашдырмакъ учун район администрацияны ва МВД-ни район бёлюгюню къуллукъчулары рейдлер оьтгерип тура. Демек, районну юртларындагъы тюкенлерде, аптеклерде коронавирус инфекция яйылмас учун гиеген маскалар сатылагъанын ва гигиена юрюлегенин тергей. Район администрацияны ва полицияны къуллукъчулары булан бирликде ёлларда маскалар такъмайгъан гьайдавчуланы арасында англатыв ишлер де юрюте.
Шолай, Къарабудагъгент районну башчысы Магьмут Амиралиевни тапшурувуна гёре, район Жыйыныны депутатлары, полицияны вакиллери ва спортшколаланы къуллукъчулары булан бирче районну юртларына гиреген постларда адамлар булан англатыв ишлер юрюте. Олай да, районну юртларына гелеген ва гетеген ватандашланы температурасы тергеле ва олагъа гиймек учун маскалар бериле. Биз барыгъызгъа да районда санитар-профилактика ва оьзюн халкъдан арекде сакълав режимни бузмагъыз деп тилемеге сюебиз.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
