Ортакъчылыкъ этген
Талатгюн, май айны 26-нда, районну башчысы Магьмут Амиралиев ва республиканы башчысы Владимир Васильев Дагъыстан республиканы территориясында коронавирус инфекция аврувну алдын алывгъа байлавлу Ботлих районну Ботлих юртунда оператив штабны ерине барып оьтгерген заседаниесинде ортакъчылыкъ этген. Регионда аслу, лап агьамиятлы масъалаланы арагъа салып ойлаша туруп, Дагъыстанны башчысы видеоконференция ренцбайлавлукъгъа чыкъгъан иш ёлдашланы лап сыйлы Оразабайрам булан къутлагъан.
Владимир Васильев: – Оразабайрам – бусурманлар учун инг гёрмекли байрам. Бу байрамны лайыкълы къаршылай туруп, кёп яхшы, рагьмулу ишлер этиле. Бары халкъ намаз эте, намазны артындан Яратгъаныбыздан къулларына кёмек, къаркъараларына савлукъ, дюньягъа парахатлыкъ, адамланы арасында татывлукъ, бир-бирев булан дослукъ, ярашывлукъ тилей. Бу йыл къудратлы Аллагь бизге гючлю сынав йиберген, биз гьалдан нечик чыкъма, яхшы ишлеме, халкъгъа пайда гелтирмек учун бирликде иш гёрме герекбиз,- деген ол.
Республиканы башчысы Ботлихде ерлешдирилген дав-авлакъ госпитальда ВКС башлангъынча болгъан, о гьакъда оьзюню пикирин айтгъан. Ол Россия Федерацияны Президенти В.Путинни буйругъун яшавгъа чыгъара туруп, аз гюнлени ичинде регионда шулай чалтлыкъда медицина идара болдургъан военныйлагъа баракалла билдирген. Булай госпиталлар республикада гьали эки бар.
Бираз алда шолай госпиталь Буйнакск районда ачылгъан эди.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
