Меню
16+

Сетевое издание «Будни района»

21.05.2020 17:07 Четверг
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Районну башчысыны сиптечилиги булан

Хамисгюн, демек, май айны 21-нде, къумукъ миллетни республика газети «Ёлдашны» баш редактору Рашит Акавов онлайн байлавлукъну имканлыкъларындан пайдаланып, «Къарабудагъгент район» муниципал районну башчысы Магьмут Амиралиев булан сорав-жавап къайдада видиоконференция оьтгерген.

Республика маълумат къуралны ёлбашчысы булан видео конференцияны оьтгеривню сиптечиси районну башчысы Магьмут Амиралиев болгъан.

«Ёлдаш» газетни баш редактору Рашит Акавов видеоконференцияны саламлашыв, районну халкъын етишип гелеген Оразабайрам булан къутлавдан башлады.

–Ассаламу алейкум, къурдашым Магьмут!

–Ваалейкумсалам.

–Сорав берме яраймы?

–Башла.

–Районда коронавирус инфекция аврувгъа байлавлу умуми гьал нечикдир?

–География якъдан бизин районну республиканы 3 шагьары, 3 району булан дазулары бар. Ондан къайры да районну территориясында Аэропорт «Кавказ» федерал, республика агьамияты булангъы сылама ёллар оьте. Адамлар тыгъыс къатнавда. Коронавирус инфекция аврув арагъа чыкъгъандокъ, районда аврувну алдын алывну чаралары гёрюлдю. Тюзюн айтма тарыкъ, башлап къоркъунчлу аврувгъа онча агьамият берилмеди. Сонг коронавирус инфекция аврувну къоркъунчлугъу артгъанда, ону алдын алывгъа къатты чаралар гёрюлдю. Аврувланы сав этмек учун район больницада къошум койка ерлер болдурулду. Врачлар аврувну алдын алмакъ, авруйгъанланы сав этмек учун яллыкъ билмей бары бажарывлулугъун салып ишледилер. Баракалла олагъа, орта медицина къуллукъчулагъа. Районда коронавирус аврувдан авруйгъанланы санаву кемий бара буса да, ерлерде «самоизоляция» режим сакълана. Коронавирус инфекция аврувну алдын ала туруп, мен районну имамлары булан 6-7 керен ёлукъдум. Муна, бугюн де бусурманлар учун сыйлы Оразабайрамны алдында динагьлюлер булан бирдагъы керен ёлукъдум. Олар районну халкъын байрам намазны уьйлеринде къылма, Оразабайрамны уьйлеринде, агьлюлени уьюрлери булан оьтгерме, ата-аналаны яшларын байрам айланма къоймагъыз деп чакъыра.

-«Самоизоляция» режимни вакътисинде увакъ, орта далапчылыкъ булан машгъул адамлар авур гьалгъа тарыгъан. Бу къыйын вакъти олагъа не йимик енгилликлер, кёмеклер этиле?.

-Районда болдурулагъан продукцияны 95 процентин районну юрт хозяйство тармагъыны къуллукъчулары болдура. Район ябыкъ топуракъда овошлар оьсдюрюв булан савлай республикагъа айтылгъан. Бугюнлер теплицаларда памидор массовый бишген. Ону батдырма тарыкъ. Биз тийишли къуллукъчулар булан гьакълашып, сурсат ташыйгъан автотранспортну постлардан оьтме ихтияр алгъанбыз. Далапчыларыбыз уьлкени, республиканы башын тутгъанлар айтагъан бары енгилликлерден пайдаланажакълар.

Видеобайлавлукъда районну башчысына школаларда онлайн охувланы натижаларына, оьзге масъалалагъа байлавлу соравлар берилди.

Районну башчысы М.Амиралиев берилген бары соравлагъа мекенли жаваплар берди.

Видеоконференцияны ахырында ону ортакъчылары районну халкъын Оразабайрам гюн уьйлеринде турма, «самоизоляция» режимни къатты кюйде сакълама чакъырдылар.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

1