Районда болгъан
Май айны 14-нде Дагъыстан республиканы Халкъ Жыйыныны депутаты, Жыйынны савлукъ сакълав, социал сиясатгъа къарайгъан комитетини председатели Висампаша Ханалиев Къарабудагъгент районда болгъан ва районну башчысы Магьмут Амиралиев ва район больницаны баш врачы Расул Гьиравов булан ёлукъгъан. Ёлугъувда районну башчысыны биринчи орунбасары Агьмат Гьажиев де ортакъчылыкъ этген. Депутат район больницаны баш врачыны узатыву булан больницаны бёлюклерин айланып чыкъгъан, больницада коронавирус аврувдан савлугъун яхшылашдырма, сав болма ятгъан аврувлар булан гьаллашгъан.
Район больницаны баш врачыны кабинетинде больницада коронавирус инфекциядан авруйгъанланы санавун, аврувлагъа ятма ерлени масъаласы арагъа салынып ойлашылгъан. Лакъырны барышында парламентарий В.Ханалиев аврувну башлапгъы стадиясында токъташдырывда, аврувланы сан янлы сав этивде район больницаны врачларыны гьаракатын, ишин макътагъан. Аврувланы сав этивде гьалиги къайдаланы генг кюйде къоллайгъанын, шону ичинде дагъы бир ерде де ёкъ десе де ярайгъан конвектор къолланагъанын эсгерген.
Ёлугъувну барышында «Къарабудагъгент район» муниципал районну башчысы М.Амиралиев ва ДР-ни Халкъ Жыйыныны профил комитетини председатели В.Ханалиев булан Дёргели юртдагъы янгы больницаны пайдаландырывгъа беривню масъаласы арагъа салынып ойлашылгъан. «Дёргели юртдагъы янгы больница ишге берилсе, районда авруйгъанланы сав этмек учун къошум койка ерлер болажагъын эсгерген М.Амиралиев. Ондан къайры да районну башчысы Магьмут Амиралиев районну денгиз боюнда ерлешген яшланы савлугъун беклешдиреген «Анжи-Мастер» деген лагерде авруйгъанланы савлугъун сав этивню узатма болагъанын да аян этген.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
