Районну башчысы этилинип сайланды
Алдагъы гюн, мекенлешдирип айтгъанда, март айны 31-нде, «Къарабудагъгент район» муниципал районну Жыйыныны депутатларыны 3-нчю керен чакъырылагъан гезикли 33-нчю сессиясы болду. Сессияда оьзге масъалалар булан янаша районну башчысыны къуллугъуна сайлавлар оьтдю.
Бу масъалагъа гёре «Къарабудагъгент район» муниципал районну башчысыны къуллугъуна конкурс оьтгерив комиссияны председатели Анвар Халилов депутатлагъа эки адамны кандидатурасы къалгъанны малим этди. «Къарабудагъгент район» муниципал районну Жыйыныны депутатлары сесиияда ачыкъ тавуш берив булан бир гёнгюлден Магьмут Амиралиевни кандидатурасын якъладылар ва 5 йыл болжалгъа районну башчысыны къуллугъуна М.Амиралиев сайланды.
М.Амиралиев – гьаракатчы, алгъа салынгъан масъалаланы ахырына ерли чыгъармай туруп рагьатлыкъ тапмайгъан, яшырма негер тарыкъ, яхшы аркъатаяву, республиканы оьр гьакимбашларыны арасында абуру бар ёлбашчы. М.Амиралиев ва ону айланасындагъы ёлдашланы гьаракаты булан артдагъы йылларда кёп-кёп ишлер этилген. М.Амиралиев оьзю де айтгъанлай, кёп иш этилген, тек этме герекли ишлер дагъы да кёп.
Биз М.Амиралиевни районну башчысы этилинип сайлангъанлыгъы булан гьакъ юрекден къутлайбыз. Огъар ишде уьстюнлюклер, къаркъарасына къатты савлукъ ёрайбыз.
“Районну яшаву” газетни коллективи
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
