Министр иш сапар булан
Февраль айны 7-нде ДР-ни Загьмат ва социал оьсювюню министри Изумрут Мугьутдинова иш сапар булан Минтрудну грантына ес болгъан Къарабудагъгент райондагъы «Весна» деген сакъат-ампутантланы, юрюп болмайгъан сакъатланы жамият къурумунда болгъан. Бу сапарында И.Мугьутдинова шо къурумну иши булан таныш болгъан, ял алагъан базаны майданына тергев этген.
Эсгерилген сакъатлар-ампутантлар ял алагъан база – Дагъыстанда Каспий денгизни ягъында ерлешген биргине-бир база.
Савлугъун беклешдиреген комплексде савлугъу осал адамлар спорт булан машгъул болсун учун бары да онгайлыкълар болдурулгъан. Минтрудну грантын яшавгъа чыгъара туруп, базада дагъы да онгайлыкълар болдурма, денгизни ягъасында юрюп болмайгъанлар учун янгы уьйлер ишлетмеге гёз алгъа тутулгъан.
ДР-ни Гьукуматыны «Об утверждении Порядка предоставления субсидии из республиканского бюджета РД социально ориентированным некоммерческим организациям» деген къарарын яшавгъа чыгъара туруп, ДР-ни загьмат министерлиги 2019-нчу йылны сентябр айында социал проектлени яшавгъа чыгъарывгъа гьукуматны ягъындан харж кёмек булан коммерция тюгюл социал ориентир къурумланы арасында конкурс билдирген эди.
Конкурсну комиссиясыны уьюрлерини гьасиллерине гёре, ДР-ни Загьмат министерлиги 11 социал коммерция тюгюл къурумлар булан 4809,6 минг манатгъа дыгъарлар этген. ДР-ни Загьмат министрин шо сапарда ону орунбасары Мурад Казиев, социал къуллукъланы управлениесини ёлбашчысы Магьамматрасул Омаров, сакъат-ампутантланы жамият къурумуну ёлбашчысы Али Мусаев ва башгъалары узатгъан.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
