Финалгъа чыкъгъан
Алдагъы гюнлер Къарабудагъгент 1 номерли орта школаны охувчусу Загьирбек Абужаев охувчу яшлар ва муаллимлер учун оьтгерилеген ахтарыв ишлеге ва экология проектлеге багъышлангъан «Науки юношей питают» деген республика конкурсда ортакъчылыкъ этип, финалгъа чыкъгъан ва дипломгъа ес болгъан.
Конкурс ДР-ни билим берив министерлигини сиптечилиги булан оьтгерилген. Шо конкурсда З.Абужаев «Экологические проблемы Карабудахкента и возможные пути их решения» деген оьзюню ахтарыв ишинде юртуну экологиясыны, гьавасыны, сувуну ва топурагъыны масъалаларына аслу агьамият берген. Конкурсну 1-нчи ва 2-нчи этапларыны гьасиллерине гёре Загьирбек оьзюню илму ёлбашчысы Райсанат Амаева булан бирче савгъатланмакъ учун Каспийск РЦО-гъа чакъырылгъан эди.
Онда финалгъа чыкъгъанланы диплом булан савгъатлагъан ва гележекде де олагъа алдынлы ерлени алмакъны ёрагъан.
Гиччи класлардан берли Загьирбек оьзюню бажарывлу ва охувгъа муштарлы къайдада гёрсетген. Ол башлапгъы класлардан берли район ва республика олимпиадаларда ортакъчылыкъ этип, алдынлы ерлеге ес болгъан. Ону уьстюнлюгю булан муаллимлери бек рази. Биз ону къазангъан уьстюнлюгю булан къутлайбыз, гележекде де оьрлюклеге етмекни ёрайбыз.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
