Бюджетге алмашынывлар этилди
Алдагъы гюнлерде район администрацияны жыйынлар оьтгерилеген залында «Къарабудагъгент район» муниципал къурулувуну район Жыйыныны 4-нчю чакъырывуну 2-нчи гезикли сессиясы оьтгерилди. Сессияда район Жыйыныны депутатлары булан бирче районну гьакимбашы Магьмут Амиралиев де оьзюню ортакъчылыгъын болдурду.
Сессияны депутатланы район Жыйыныны председатели Адил Салаватов ачды ва юрютдю. Ол депутатланы сессияны гюнлюк низамы булан ювукъдан таныш этген сонг, трибунагъа район администрацияны финанс ишлеге къарайгъан управлениесини ёлбашчысы Абакар Шагьманаевни чакъырды.
Сессияны барышында А. Шагьманаев районну 2020-нчы ва 2021-2022-нчи йыллагъа къабул этилген бюджетине алмашынывлар этмек гьакъда баянлыкълар булан сёйледи. Депутатлар шо алмашынывланы ва толумлашдырывланы бир тавушдан якъладылар.
Олай да, сессияны барышында депутатланы район Жыйыныны 2021-нчи йылны 1-нчи яртысына иши, тергев-гьисап палатаны планы, 2021-нчи ва 2022-2023-нчю йыллагъа къабул этилген районну бюджети гьакъдагъы масъалалагъа къарадылар. Сонг да, районну Уставына да тарыкълы алмашынывлар этдилер.
Районну Жыйыныны сессиясында ортакъчылыкъ этген районну башчысы Магьмут Амиралиев бюджетге этилеген алмашынывлар ва толумлашдырывлар халкъны яшавуна ва турушуна яхшы якъдан болушлукъ этежегин ташдырды.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
