Чемпионлар булан ёлугъув
11-нчи декабрде Магьачкъаладагъы “Национально-инвестиционный колледжде” (НИК) ерли муаллимлер ва студентлер районну белгили спортсменлери булан ёлугъув оьтгерген.
Демек, шо ёлугъувда Шарапутдин Атаев (боксдан дюньяны кубогун къазангъан, 2020-нчы йылда Россияда «гюмюш» медальгъа ес болгъан), Абдулгьалим Нуритдинов (ушу-саньдадан юниорланы арасында Европаны чемпиону), Арсен Зайналов (юниорланы арасында Европаны чемпиону), Гьажимурат Гьажиев (юниорланы арасында ММА журадан дюньяны чемпиону). Олай да, ёлугъувда оланы тренерлери Болат Гьажиев ва Гьажи Нуритдинов оьзлени ортакъчылыгъын болдурдулар.
Гьюрметли къонакъланы ва спортсменлени атына НИК-ни учредители Ибрагьим Байсонгуров лайыкълы ва макътавлу сёзлер айтгъан сонг, спортчулагъа оьзлеге сёз берилди.
Сёз берилген спортсменлер ва тренерлер оьзлер етишген уьстюнлюклени ва оьрлюклени, гележекге гёз алгъа тутгъан планларыны гьакъында студентлеге тындырыкълы кюйде хабарладылар.
Чакъырылгъан къонакълагъа коллежни атындан эсделик савгъатлар берилди.
Къарабудагъгент районну физкультура ва спорт бёлюгю, спортсменлеге ва оланы тренерлерине этген абуру саялы, НИК-ни ёлбашчыларына гьакъ юрекден разилигин билдире.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
