Жагьиллени парламентини жыйыны

Ёлугъувну юрютген районну жагьиллерини парламентини председатели Абубакар Къаранаев жыйынны ортакъчылары булан саламлашгъан сонг, оьтген йылларда этилген ишлер гьакъда гьисап берди. Ол шо ишде ортакъчылыкъ этген, къошумун болдургъанлагъа барысына да баракалла билдирди, гележекде дагъы да гьаракат этип чалышмагъа чакъырды. Жыйынны барышында районну жагьиллерини парламентини составын янгыртыв масъала арагъа салынып ойлашылды.

Къарабудагъгент районну жагьиллерини парламенти оьзлени бары да ишлеринде якълав ва кёмек этегени саялы, районну башчысы Магь­мут Амиралиевге гьакъ юрекден баракалла билдирди.

Жыйында районну жагьиллерини парламенти 2017-2020-нчы йылларда иш гёргени, шо заманны ичинде жагьиллер кёп затгъа уьйренгени ва уьстюнлюклеге етишгени гьакъда айтылды.

Артда оьтгерилген район сайлавларда жагьиллени парламентинден 8 кандидат юрт ва район жыйынларына депутат болуп сайлангъан.

Олар: Али Шангереев (Аданакъ), Урайнат Алибекова (Аччы), Усман-гьажи Мурзаев (Дёргели). Магьамматмурат Абусайитов (Къурбуки), Арслангерей Ильясов (Агъачавул), Магьамматмурат Мусаев (Паравул), Магьамматамин Миятлиев (Къарабудагъгент), Магьаммат Жалилов (Губден).

Олай да, жагьиллени парламентиндеги уланлар оьзлени яхшы якъдан гёрсетме, иш ерлер тапма бажаргъаны гьакъда да эсгерилди.

К.Муратов – Къарабудагъгент районда ТКО-ну чыгъарывну регионал операторуну вакили;

А.Ильясов– Агъачавул юртну башчысы; Ж.Жамалутдинов – районну башчысыны орунбасары;

М.Гьажимагьамматов – район билим берив управлениени башчысыны орунбасары;

О.Ражапов – Къарабудагъгент юрт­дагъы «Берекет» деген рагьмулу фондну соучредители;

А.Къаранаев – предприниматель центрны ёлбашчысы.

М.Жалилов – Губден юртну башчысыны кёмекчиси;

М.Миятлиев – Къарабудагъгент юрт администрацияны касбучусу;

И.Магьамматов ва М.Миятлиев бирче юртда ябушув клубну ачгъан.