Дёргелиде уллу ишлер
Оьтген сонггугюн, октябр айны 31-нде, Дёргели юртда ёлланы онгармакъ муратда уллу ремонт ишлер башлангъан.
Демек, Исаевни ва Къадырагъаны атлары берилген орамланы уллу гесеклерине асфальт салынгъан. Олай да, юртну къалгъан орамларына ямавлар салынгъан.
Дёргели юртда юрюлеген ишлени тергевюн болдурмакъ муратда Къарабудагъгент районну башчысыны биринчи орунбасары Ибрагьим Абдулмежитов эсгерген юртгъа сапар чыкъгъан.
Шо сапарында И.Абдулмежитов дёргелилилер булан бир гесек лакъыр этген. Лакъырлашывну барышында районну башчысыны биринчи орунбасары ёллагъа ремонт этивде ва асфальт салыв ишлерде нормалар сакъланагъанын, бажарывлу касбучулар оьзлени ишин кютювде алдынлы технология орамланы къоллайгъанын аян этген.
Шоллукъда, Дёргели юртну жамияты Къарабудагъгент районну башчысы Магьмут Амиралиевге, орамланы онгарывда ва асфальт салывда кёмегин болдургъан оьзге жаваплы ёлдашланы атына разилигин ва баракалласын билдирген.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
