Меню
16+

Сетевое издание «Будни района»

27.11.2020 09:33 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

АТК-ны гьисабы

Алдагъы гюнлерде ДР-ни Башчысыны террорчулукъ ишге къарайгъан кёмекчиси Роман Магьамматов ва АТК-ны баш касбучусу-эксперти Руслан Магьамматов бизин районда иш сапар булан болдулар.

Олар районну башчысы Магьмут Амиралиев булан оьзюню иш кабинетинде ёлукъгъан ва райондагъы террорчулукъгъа къаршы иш гёреген хас комиссияны (АТК) 2019-2020-нчы йылларда оьтгерилген иши гьакъда лакъыр юрютген.

Районну башчысы М.Амиралиев эсгерилген ёлдашлагъа АТК-ны иши гьакъда гьисабын бере туруп, ерли масса маълумат къуралларда ва интернет торунда шо гьакъда генг кюйде иш юрюлгенин айтгъан.

Ачыкълашдырып айтсакъ, 2019-нчу йылда АТК-ны 4 гезикли ге­нгешлери оьтгерилген. Шо генгешлени ишинде 14 масъалагъа къаралгъан. Олай да, 2020-нчы йылны ичинде оьтгерилген 3 генгешде 15 тюрлю масъалагъа къаралгъанын районну башчысы аян этген.

Террорчулукъгъа къаршы иш гёреген хас комиссия оьзюню ишин кютювде ихтияр якълав къурумлар, жамият бирлешивлер, дин идаралар ва районну ватандашлары булан тыгъыс кюйде байлавлукълар тутгъан.

Олай да, 2020-нчы йылны боюнда 81 социал къурулушгъа террорчулукъ якъдан тергев болдурулгъан. Шо къурулушлагъа, этилген тергевлерден сонг, хас актлар къабул этилген.

Жамиятны арасында дин ва миллетара аралыкъланы беклешдирмек, патриот ругьну артдырмакъ, савлукъ сакълавну яхшылашдырмакъ муратда районну ичиндеги юртларда, билим берив ва маданият ожакъларда террорчулукъгъа къаршылыкъ билдиреген кёп санавда чаралар оьтгерилгенин районну башчысы М.Амиралиев эсгерди.

Районну администрациясы къабул этген хас программагъа ва плангъа гёре районну ичинде иш юрюле. Шоллукъда, халкъны арасында террорчулукъгъа къаршы маълумат бериле, олай да жамиятны арасында бирлик ва дослукъ болдурула.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3