Меню
16+

Сетевое издание «Будни района»

13.11.2020 09:22 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Чара оьтгерилди

Автор: Калимат Элмурзаева

Гьар йыл ноябр айны 15-нде бизин уьлкебизде призывникни гюню белгилене. Россия Федерацияны Президенти Борис Ельцинни Указы булан бу байрам гюн 1992-нчи йылда белгиленме башлангъан. Гьар йыл Дагъыстандан да кёп жагьил уланлар асгер къуллугъун кютелер. Олай да, Къарабудагъгент райондан да асгер борчун амин кюйде кютегенлер де аз тюгюл.

Шолай, ноябр айны 11-нде Къарабудагъгент юртда военкоматны абзарында призывникни гюнюне багъышланып, шатлы чара оьтгерилди.

Чарада Къарабудагъгент районну башчысыны орунбасары Магьамматгьанипа Зугьумов, районну социал сиясат управлениесини ёлбашчысы Гюлжанат Темирова, Къаягент, Къарабудагъгент районланы ва Избербаш шагьарны военный комиссарыны орунбасары Рустам Агьматов, Къарабудагъгент районну тамазаларыны Советини ёлбашчысы Абдулгьамит Мамагишиев ва башгъалары ортакъчылыкъ этди.

Гюлжанат Темирова, байрам чараны ача туруп, армиягъа къуллукъ этмек учун чакъырылгъан яшланы Призывникни гюню булан къутлай туруп, яшёрюмлеге асгерде яхшы къуллукъ этмекни ёрады.

Къаягент, Къарабудагъгент районланы ва Избербаш шагьарны военный комиссарыны орунбасары Рустам Агьматов оьзюню сёйлевюнде бары да жыйылгъан призывниклени, оланы ата-аналарын военный комиссарны атындан байрам булан къутлады.

Оьзюню сёйлевюнде Р.Агьматов октябр айны башында бизин райондан 100-ге ювукъ жагьил улан асгерге чакъырылгъанын эсгерди.

Жыйылгъан призывниклеге ата-аналары ва савлай Дагъыстан оьктем болагъан кюйде армияда къуллукъ этмекни ёрады.

Чараны юрюшюнде Гюлжанат Темирова ва башгъалар район администрацияны атындан призывниклеге савгъатлар тапшурду.

Олай да, шо гюн призывниклеге жыйылгъанлар кёп яхшы сёзлер айтд­ылар.

Байрам чарада РЦТКНР-ни солисти Абдулазим Найипханов призывниклеге оьзюню йырларын савгъат этди.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5