Пайдалы ёлугъув
Гьар йыл сентябр-октябр айларда бизин респуликада ёл юрюшде низамны сакълавуну айы оьтгериле.
Шо айланы ичинде районну бары да охув ожакъларында гьар тюрлю чаралар ва ГИБДД-ни инспекторлары булан ёлугъувлар оьтгериле.
Демек, октябр айны 5-нде Къарабудагъгент 5 номерли орта школада ГИБДД-ни инспекторлары А.Мустапаевни ва В.Османовну башлапгъы класланы охувчу яшлары булан пайдалы ёлугъуву болду.
Адамлар кёп жыйылгъан ерлерден ари турма ва социал аралыкъны сакълама тарыкъ саялы, шо гюнгю чара, эки бёлюкге бёлюнюп, школаны абзарында оьтгерилди.
Гелген къонакълар охувчу яшлагъа ёл юрюшню низамын бузмагъа ярамайгъанны ва ёлавчулар ёллардан нечик оьтюп чыкъма герекни гьакъында айтды.
Олай да, ГИБДД-ни инспекторлары охувчулагъа ёл юрюшню низамын бузса, велосипедлени ярамайгъан ерлерде гьайдаса, нечик зарал болагъанны гьакъында хабарлады. Демек, велосипедлерде гече вакъти ярыкъ береген приборлар болма герекни эсгерди. Чараны ахырында охувчу яшлар ёрукълашдырылмагъан ёлавчулар юрюйген ёлдан юрюдюлер.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
