Футболдан ярышлар
Октябр айны баш гюнлеринден тутуп, Къарабудагъгентдеги «Олимп» спорткомплексини майданчасында районну спорткомитетини ва «Киностартны» сиптечилиги булан 2004-2005-нчи йылларда тувгъан футболчуланы арасында футбол оюндан районда биринчилик учунгъу ярышлар оьтгерилди.
Шо ярышларда районну юртларындан гелип 10 команда ортакъчылыгъын болдурдулар.
10 да команда 2 группагъа пайланып, бир-бири булан оьчешип ойнадылар. Оюнланы юрюшюнде мекенли болгъанына гёре, Къарабудагъгент ДЮСШ-ни ва Манасгент ДЮСШ-сини командалары гючлю чыгъып, олар финал оюнда ёлукъдулар. Октябр айны 25-нде болгъан шо финал оюн 3:2 санав булан Манасгент ДЮСШ-ни командасыны футболчуларыны пайдасына тамамланды.
Ярышны гьасиллерине гёре:
Манасгент ДЮСШ-ни командасы – 1-нчи, Къарабудагъгент ДЮСШ-ни командасы – 2-нчи, Къакъашура ДЮСШ-ни командасы буса 3-нчю ерлеге ес болдулар.
Ярышларда алдынлы ерлени къазангъан командалар, айры-айры футболчулар спорткомитетни ва «Киностартны» янындан кубоклар, медаллар, грамоталар ва багьалы савгъатлар булан савгъатландылар.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.