Гьаракаты яхшы
Оьтген йылны декабр айыны 30-нда Магьаррамгент районда белгили боксёр, СССР-ни спортуну устасы Ф.К.Къазимагьамматовну эсделигине яш боксёрланы арасында районда биринчилик учун ачыкъ ярышлар оьтгерилген. Шо ярышларда Къарабудагъгент ДЮСШ-синде тренер Магьамматали Алиевни уьйретивлери булан бокс ябушувгъа уьйренип юрюйген яш боксёрлары да ортакъчылыкъ этгенлер ва яхшы натижалар гёрсетип ябушгъанлар.
Шо боксёрланы арасындан 30 кило авурлукъда ябушгъан Жамал Ражапов, 37 кило авурлукъда ябушгъан Рашит Черивов, 42 кило авурлукъда ябушгъан Магьамматмухтар Алигьажиев, 50 кило авурлукъда ябушгъан Завур Османов, 52 кило авурлукъда ябушгъан Гьюсен Пашаев 1-нчи ерлени алмагъа бажаргъанлар. 28 кило авурлукъда ябушгъан Абдурагьим Абдурагьимов, 42 кило авурлукъда ябушгъан Абдулкъадир Сайитов, шо авурлукъда ябушгъан Абдулазиз Абдулкъапуров, 65 кило авурлукъда ябушгъан Абубакар Алигьажиев – булар дёртюсю де шо ярышларда 2-нчи ерлеге ес болгъанлар.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.