Районну башчысыны гьаракаты
Барыбызгъа да белгили кюйде, бу йылны июль айыны 31-нде «Къарабудагъгент район» муниципал къурулувуну тавтюп зонасында гючлю ел булан, буз, янгур явуп, зарал болгъаны эсибизде.
Хас къуллукъ ва районда къурулгъан комиссия къыставуллу табии гьалдан тувулунгъан заралны алдын алмакъ учун алгъасавлу чара гёрдю.
Дёргели, Къакъашура юртлар ва олардагъы социал объектлер къыставуллу гьалдан бек зараллангъан эди.
Шо вакъти районну башчысы Магьмут Амиралиев чалтлыкъда, табии гьалдан зарал гёрген ватандашлагъа кёмек этсин деп республиканы ёлбашчысы булан ёлукъгъан.
Республикадан кёмек геле деп къарап турмай, районну башчысы М.Амиралиев ва ДР-ни Халкъ Жыйыныны депутаты Магьамматсолтан Магьамматов адамлагъа 2 минг шифер алма кёмек этгенлер.
Алдагъы гюн, демек, декабр айны 4-нде, Дёргели юртгъа уллу юк ташыйгъан машин булан халкъгъа бермек учун шиферни бир партиясы гелген. Ери гелгенде юртну ичиндеги социал объектлени эсгерме тарыкъ: Демек, яшлар бавуну, школаны, клубну къалкъыларыны сыныгъы алышынды. Социал объектлени къалкъыларыны шиферин алышдырма 13 миллион манат гетген. Юртну халкъы буса 28 миллион манатны къадарына шифер алажакълар.
Озокъда, этилеген кёмеклер районну башчысы М.Амиралиевни, ДР-ни Халкъ Жыйыныны депутаты М.Магьамматовну арымай-талмай гьар гюн этген гьаракаты. Олар республиканы гьакимбашларындан табии гьалдан зарал гёрген адамлагъа кёмеклер алма болгъаны – уллу уьстюнлюк. Юртну халкъы тувулунгъан масъалаланы дестине чечме гьаракат этген районну башчысына разилигин билдирдилер.
Оьз гезигинде районну башчысы М.Амиралиев республиканы башчысы Владимир Васильевге зарал гёрген ватандашлагъа этген материал кёмеги саялы юртлуланы атындан баракалла билдире.
Ачыкълашдырабыз, халкъгъа этилген кёмеклер ДР-ни Гьукуматыны къорукъ (резерв) фондундан гёрсетилген.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.