Уьстюнлюклери къувандыра
Февраль айны 23-28-не ерли Москва шагьарда «Звёзды ушу – 2022» деген ушу-саньдадан халкъара ярыш оьтгерилди. Шо ярышда Европада, Азияда ва Африкада ерлешген 16 пачалыкъдан 200-ден де артыкъ спортчулар оьзлени ортакъчылыгъын болдурду.
Шо ярышда Дагъыстанны жыйым командасында Къарабудагъгент ДЮСШ-ни тарбиялавчулары да ортакъчылыкъ этдилер ва алдынлы ерлеге ес болдулар.
Ачыкълашдырып айтгъанда, 12-13 — йыллыкъ яшёрюмлени арасында 45 кило авурлукъда Мугьаммат Гьажиев 1-нчи, 36 кило авурлукъда Залимхан Давутов 2-нчи ерлеге ес болдулар.
14-15-йыллыкъ яшёрюмлени арасында 48 кило авурлукъда Асгерхан Айдемиров 2-нчи ва 56 кило авурлукъда Гебек Гебеков 3-нчю ерлени къазандылар.
16-17-йыллыкъ яшёрюмлени арасында 52 кило авурлукъда Солтанагьмат Муртазалиев 1-нчи ерге ес болду.
Оьрде атлары эсгерилген спортчуларыбызны тренерлер Болат Гьажиев ва Арсангьажи Османов уьйретелер.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
