«Юрекден – юрекге»
Март айны 11-нде Дёргели 1 номерли орта школада «Ислам – парахатлыкъны ва рагьмулулукъну дини» деген баш булан тарбия ва ругь-къылыкъ бютюнумуми школа даражасында чара оьтгерилди. Чараны барышында устаз Магьамматрасулгьажи Хасаев, юртну башчысы Гьамзат Мурзаев, межитни баш вакили Гьажимурат Убаев, юрт китапхананы ёлбашчысы Айшат Изиева, Дёргели 2 номерли орта школаны социал-педагогу Марипат Насухова, олай да, юртдагъы эки де школаланы муаллимлери ва охувчулары оьзлени ортакъчылыгъын болдурду.
Шо рагьмулу чара «Юрекден – юрекге» деген инсаплы фондну ёлбашчылыгъы булан оьтгерилген ва етим яшлагъа, гелими осал агьлюлерде яшайгъан яшлагъа багъышлангъан.
Чомарт къоллу, рагьмулу юрекли адамлар берген харж маялагъа 135 охувчу яшгъа школада охумакъ учун тарыкълы алатлар алынгъан. Етим яшлагъа буса башгъа савгъатлар да берилген.
Олай да, алдагъы гюнлерде Дёргели юртда шолай бирдагъы далапчы улан етимлеге ва осал гелими бар агьлюлеге оьзюню рагьмулу къолун узатгъан.
Юртну ёлбашчылары ва дин ругьанилер садагъаны этген юртлуларына гьакъ юрекден баракалласын билдирди.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
