«Биз оьктембиз»
Алдагъы гюнлерде «Юлдуз» деген 2 номерли яшлар бавунда Уьстюнлюкню Гюнюне багъышлангъан «Биз оьктембиз» деген баш булан чара оьтгерилди.
Чараны аслу мурады школа чагъына етишмеген гиччипавлагъа патриот, Ватанны якълавчуларына абур этив, тарихни герти далиллеге гёре исбатлав ва оьзге таъсир этив гьислени сингдирмек эди.
Яшлар бавуну тарбиялавчулары И.Вагьитова ва Р.Мустапаева, олай да музыкалы ёлбашчысы Р.Абдулхалыкъова гиччипавлагъа «Уллу Ватан дав», «Давну ветераны», «Давну ортакъчысы», «Уллу Ватан давну Игити» деген сёзлени маъналарыны гьакъында мекенли айтдылар. Олай да, олар элибизни тарихи гьакъда баянлыкълар бердилер.
Яшлар чараны барышында «Давну яшлары», «Смуглянка», «Уьстюнлюкню вальсы», «Давсуз дюнья» деген бийивлени бийидилер, дав темагъа багъышлангъан шиъруланы гёнгюнден охудулар, сагьналашдырылгъан гесеклер гёрсетдилер.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
