Давну ортакъчысыны уьягьлюсю булан ёлукъгъан
Районну башчысы Магьмут Амиралиев Уллу Уьстюнлюкню 77 йыллыгъыны алдында, демек, май айны 7-нде, Уллу Ватан давну ортакъчысындан къалгъан Жарият Айдемированы уьюнде болгъан ва ону Уллу Уьстюнлюкню Гюню, Ораза байрам булан къутлагъан. Ж.Айдемирова къонакъланы шат, исси кюйде къаршылагъан, аш тепсиге ювукъ олтурма чакъыргъан.
«Заманлар гетип районда Уллу Ватан давну ортакъчылары, ветеранлар къалмагъан. Амма дав майданларда олар гёрсетген игитликлер, къоччакълыкълар бир заманда да унутулмажакъ.
Бугюн олар бизин арабызда ёкъ буса да, оланы къоччакъ ишлери, атлары бизин булан яшай. Уллу Уьстюнлюкню Гюню буса уьлкеде лап сыйлы байрамланы бири»,-деген М. Амиралиев.
Районну башчысы М. Амиралиевни давну ортакъчысыны уьягьлюсюне этген сапарында районну тамазаларыны Советини ёлбашчысы Абдулгьамит Мамагишиев, районну башчысыны орунбасары Жалалутдин Жамалутдинов, район администрацияны аппаратыны ёлбашчысы Жамалутдин Имакъов ва оьзге ёлдашлар узатгъанлар.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
