Министерликге иш сапар
Февраль айны 16-нда «Къарабудагъгент район» муниципал районну вакиллери башында районну башчысы Магьмут Амиралиев, ону биринчи орунбасары Абдулмежит Ибрагьимов, район аппаратны ёлбашчысы Жамалутдин Имакъов ва бёлюклерини ёлбашчылары ДР-ни мюлк ва топуракъ аралыкъ министерлигинде иш сапар булан болду.
Къарабудагъгент районну иш вакиллерин ДР-ни мюлк ва топуракъ аралыкъ министрини заманлыкъгъа борчларын кютеген Завур Эминов ва жаваплы къуллукъчулары къаршылады.
Олар шо ёлугъувда районну лап да аслу масъалаларын арагъа салып ойлашды.
Шо пикру алышдырывну барышында Къарабудагъгент район администрацияны бары да таклифлери якълав тапды. Шоланы яшавгъа чыгъармакъ учун протокол къурулгъан ва болжаллар белгиленген.
Районну гьакимбашы М. Амиралиев мюлк ва топуракъ аралыкъ министерликни ёлбашчыларына районну шо тармакъдагъы масъалаларын чечмек муратда чалышагъаны саялы баракалласын билдирди.
Районну прес-къуллугъу
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
