Меню
16+

Сетевое издание "Району яшаву"  «Будни района»

18.02.2022 09:45 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Афгъанистан бизин эсибизде…

Автор: Нюрсагьадат Изамутдинова

Белгили кюйде, бу йыл совет асгерлер Афгъанистанны топурагъындан чыгъарылгъанлы 33 йыл бола. 10 йылгъа ювукъ, демек 9 йыл 1 ай 18 гюн юрюлген афгъан давларда СССР-ден 620 мингге ювукъ совет солдат ортакъчылыкъ этген, шоланы 3 мингге ювугъу дагъыстанлылар болгъан.

Шо давларда гёрсетген къоччакълыкълары саялы 769 солдат «Къоччакълыгъы учун» деген Ватанны орденлери булан савгъатлангъан, 75-и – сакъатлар болуп къайтгъан.

140-гъа ювугъу афгъан топуракъларда жан берген. Шоланы арасында бизин районлулар да бар.

Бизин райондан Афгъан агьвалатларда 97 солдат ортакъчылыкъ этген. Шоланы 5-си шо топуракъларда жан берген, къайтгъанларыны да 12-си алгъан яраларындан оьлген. Бугюн бизин районда 85 афгъанлы яшай.

Февраль айны 15-нде Къарабудагъгент Баш китапханада совет солдатлар Афгъанистанны топуракъларындан чыкъгъанлы 33 йыл болагъанына багъышланып «Память возвращает нас в Афганистан» деген патриот сагьат оьтгерилди.

Чарада афгъан агьвалатланы ортакъчылары, районну тамазаларыны Советини ва Жамият палатаны председатели, охувчулар ортакъчылыкъ этди.

Район администрацияны маданият ва туризм бёлюгюню ёлбашчысы Н.Мурзаева совет асгерлер Афгъанистандан чыкъгъан гюн булан къутлап, ону ортакъчыларына савлукъ ва узакъ оьмюр ёрады.

«Совет асгерлер оьзлени Ватанны алдындагъы борчун намуслу кюйде кютген. Афгъан агьвалатланы гюнлеринде къоччакъ кюйде ватандаш борчун кютген гьар солдатгъа «игит» деген ат тийишли. Олар шо давларда гёрген къыйынлыкълар, гёрсетген къоччакълыкълар бир заманда да унутулмажакъ,- деди ол.

Сонг сёйлеген А.Мамагишиев афгъанлыланы къутлап, олагъа баракалла билдирди.

Баш китапханачы А.Пашаева:

- Афгъанистандан совет асгерлер чыкъгъанлы бугюн 33 йыл тамамлана. Уллу Ватан давдан 2 керен узакъ юрюлген дав агьвалатларда гёрсетген совет солдатланы къоччакълыкъларын бир заманда да унутма бажарылмай.

Шо гюнлер халкъны эсинден таймай, унутулмай…

Бугюнлерде районда 85 воин-интернационалист бар. Сизге барыгъызгъа да гьюрмет ва абур тийишли. Сизин къоччакълыкъларыгъыз бизин эсибизде даимликге къалажакъ,- дей ол.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5