Меню
16+

Сетевое издание "Району яшаву"  «Будни района»

14.01.2022 11:49 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Редакцияда къонакълыкъда

Автор: Багьавутдин Самадов

12-нчи январда, оьтген арбагюн, Къарабудагъгент 2 номерли орта школада Россияны печатыны гюнюне багъышлангъан чара оьтгерилди. Демек, шо чарада школаны бары да охувчулары учун эсги газетлерден ва журналлардан тизилген хас выставка бар эди.

Айтагъаным, школаны муаллимлери ва охувчулары бизин уьлкебизде къачан биринчи газет чыгъарылгъаны, олай да, Совет Союзда печат тармакъны оьсювю гьакъда маълуматлар алдылар.

Эсгерилген Къарабудагъгент 2 номерли орта школаны вожатыйлары Мариям Асгерованы ва Алжанат Бийгишиеваны ёлбашчылыгъы булан 4, 8 ва 9-нчу класланы актив охувчулары «Районну яшаву» газетни редакциясына къонакълыкъгъа гелдилер.

Олай да, Россияны печатыны гюнюнде, демек, 13-нчю январда, бизин редакциябызгъа байрамыбызны къутламакъ муратда Къарабудагъгент 5 номерли орта школаны къуллукъчулары Жамиля Гьанипаева ва Бурлият Къысгъагьажиева эсгерилген школаны 8-нчи класланы охувчулары булан гелдилер. Олар булан бирче редакциягъа район администрацияны маданият ва туризм бёлюкню ёлбашчысы Найида Мурзаева, баш китапханачы Азинат Пашаева, Къарабудагъгент юрт музейни директору Ханза Алиева ва китапхананы жаваплы къуллукъчулары да бар эди.

Оланы район газетни ёлбашчысы Асадулла Гьажиев булан коллектив къаршыладыкъ ва оьзюбюзню ишибиз гьакъда баянлыкълар бердик.

Инг башлап, газетни баш редактору А.Гьажиев «Районну яшаву» газетни тарихи, онда кёп йылланы боюнда мухбирлени къуллугъунда ва оьзге ишлерде чалышгъан ёлдашланы ва бугюнлерде де ишлейгенлени гьакъында мекенли кюйде маълуматлар берди.

Баш редакторну орунбасарлары Багьавутдин Самадов ва Шихав Къайырбеков, газетни жаваплы секретары Нюрсагьадат Изамутдинова оьзлени борчлары ва гюнлюк иши гьакъда тындырыкълы кюйде хабарладылар.

Олар оьзлени сёйлевлеринде яшланы ана тилин, ата юртун, анадаш газетин ва Ватанын гёнгюллю ва гьакъ юрекден сюймеге, шолагъа абур ва гьюрмет этмеге, шоланы сакъламагъа ва якъламагъа чакъырдылар.

Оьтгерилген ёлугъувну ахырында редакциягъа къонакълай гелген школаланы къуллукъчулары, вожатыйлар ва охувчулар бизге, редакцияны къуллукъчуларына, оьзлени соравларын бердилер ва шолагъа жаваплар алдылар. Олай да, Къарабудагъгент 5 номерли орта школаны охувчулары редакцияны къуллукъчуларыны атына, хас касбу байрамын къутлай туруп, гёнгюнден шиърулар да охудулар.

Касбу байрамыбызны къутламагъа гелген бары да ёлдашлар бизге ишибизде уьстюнлюклер, чыдамлыкъ, савлукъ, ожакъларыбызгъа берекет ва насип ёрадылар.

Ёлугъув эсделикге суратлар чыгъарылып тамамланды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

6