Гюз чачывну алдында
Биз гиччи заманларда авлакъда доланып ишде бай сынаву булангъы ёлдашлардан. Гюзлюклер эки яйны гёрме тарыкъ» деген калималаны аз эшитмегенмен. Шо айтывну да шо девюрде маънасы болгъандыр. Тек, гьалиги девюрде «гюзлюклер эки яйны гёре» деп айтма болмайбыз. Амма артдагъы йылларда районда топуракъланы ишлетив, кёп майданлагъа ашлыкълар чачылагъаны юрекни къувандырмай болмай. Заманлар нече де чалт гете. Гьали бираз алларда районда къылчыкълы ашлыкъланы тюшюмюн къайтарыв массовый кюйде юрюле эди буса, гьали гюзлюклер чачма заман етишген.
Районда 2022-нчи йылны тюшюмю учун гюзлюклер чачывгъа гьазирлик гёрюв нечикдир?
Бизге билдиреген кюйде, буссагьатгъы вакътиде районну юрт муниципал къурулувларында топуракъланы чачывгъа гьазирлев, топуракъ сюрюв ишлер узатыла.
Бу йыл гюзде районну авлакъчылары гелеген йылны тюшюмю учун 11 минг гектаргъа ювукъ майданлагъа гюзлюк къылчыкълы ашлыкълар чачма гёз алгъа тутулгъан. Шо 2021-нчи йылда чачылгъаны булан тенглешдиргенде бир минг гектаргъа артыкъ.
Буссагьатгъы вакътиде районда гюзлюклер чачмакъ учун 6 минг гектардан да къолай топуракълар сюрюлген. Шо участкаланы 1800 гектары чачыв даражасына етишдирилген.
Районну муниципал къурулувларында гюзлюклер чачмакъ учун топуракълар сюрюв чалтлаша.
Гюз чачывгъа гьазирлик гёрювде Гьели, Губден, Къарабудагъгент муниципал къурулувланы механизаторлары, авлакъчылары яхшы гьаракатчылыкъ гёрсетелер.
Гьали гюзлюклер чачмакъны маънасы бар. Будайны, саламны яхшы багьасы гётерилген. Бары да агротехника къуллукъланы заманында кютюп, агротехника болжалларда чачылгъан участкалагъа чыкъгъан харжланы янгыз салам булан къайтарыш этме бола…
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
