Меню
16+

Сетевое издание "Району яшаву"  «Будни района»

30.12.2021 10:22 Четверг
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Бырынгъы алатлар

Автор: Нюрсагьадат Изамутдинова

Декабр айны 15-нде Дёргели юрт китапхананы ёлбашчысы А.Изи­еваны сиптечилиги булан юрт музейде «Бырынгъы алатлар» деген чара оьтгерилди.

Чараны ача туруп, А.Изиева Дёргели юрт музейде кёп санавда тюрлю бырынгъы экспонатлар барын, оланы гьарисини тарихи де тюрлю экенин айтды.

- Музейге гелген охувчулар ­оьзлени бырынгъы заманлагъа гёчюп къалгъандай гьис этмеге бола. Мунда эсги телефонлар, аякъ-гийимлер, ашюйде къолланагъан кёп тюрлю алатлар бар. Олагъа къарай туруп, бизин ата-бабаларыбыз не булан машгъул болгъан, нечик яшагъан, нечик алатланы къоллагъанын гёзден гечирмеге бола. Гьар къумукъ агьлюде къолланагъан затлар, этил­ген ашлар булан таныш болма бажарыла, — дей ол.

Юрт китапхананы актив охувчулары Х.Муталимова «балбу» деген алатны, Дёргели 1 номерли орта школаны муаллими З.Ибиева музейдеги лампаны, итивню гьакъында хабарлады.

«Балбу» деген не зат экенни англата туруп, Х.Муталимова – шо тахтаны уьстюнде будайны уватагъан кюю гьакъда хабарлады.

Яшлар эсги итивню къолланагъан кююне де бек тамаша болуп тынгладылар. Ону авурлугъуна айрыча тергев бердилер.

Чарада ортакъчылыкъ этген Дёргели 1 номерли орта школаны 6-нчы класыны охувчулары З.Закарьяев ва М.Имаев юрт музейге бырынгъы акъчаланы, облигацияланы савгъат этди. Б.Иразиева музейге алдынгъы, тезден къалгъан явлукъну савгъат этди.

Чараны тамамлай туруп, А.Изиева охувчулагъа ва юртлулагъа юрт музейге этеген савгъатлары саялы, баракалла билдирди ва олагъа уьйде къолланмайгъан, тарыкъ болмайгъан бырынгъы алатланы, ата-аналары ихтияр бере буса, юрт музейге алып гелмеге, демек савгъат этмеге чакъырды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3