“Есибизге ва халкъыбызгъа къуллукъ этейик...”
“Бир ай алда мен коронавирус инфекциядан авруп, Къарабудагъгент район больницада ятып чыкъдым. Айтма герек, больницада аврувланы бакъмакъ учун бары тарыкълы дарманлар бар эди. Демек, докторлар этме тарыкъ деп язгъан бары да дарманлар авруйгъанлагъа бериле эди. Врачлар ва къалгъан медицина персонал авруйгъанланы савлугъун болдурувда оьзлени касбу бажарывлулугъун аян этди. Мен ва мени булан ятгъанлар больницадан сав болуп чыкъдыкъ.
Тек шу яман аврув адамлагъа бир-биревден бек югъа.
Шогъар гёре, межитде, базарда, башгъа адамлар кёп къатнайгъан ерлерде адамлар бир биревден арек турма герек. Шо арек турув , «социал мезгил» бизин гьар тюрлю югъагъан аврувлардан, вируслардан къутгъарма бола. Гьарибиз оьзюбюз болагъанны этип, аврувну яйылывуну алдын алма герекбиз.
Оьзюбюзню де, ювукъларыбызны да аврувдан къорума герекбиз. Больницада ятгъанланы арасында вакцина этдиргенлери де ёлугъа эди. Тек олар аврувну рагьат, енгил оьтгерегени ачыкъ болду. Олар бир-эки гюн ятып, больницадан чыгъа эди, демек, енгил авруй эди.
Мени медицина билимим екъ, тек мен коронавирус аврув ёкъ, вакцинаны этмекни пайдасы екъ деп айтма болмайман.
Шо саялы мен уллулагъа да, жагьиллеге алимлер ва врачлар айтагъанны этигиз деп тилеме сюемен. Биз оьзюбюзню къаркъарабызгъа зарал гелтиреген аврувлардан сакълама борчлубуз. Айланадагъыланы гьайын этмеге, олар биз гюнагьлы болуп аврумасын деп, болагъан гьаракатыбызны этмеге тарыкъбыз. Бизин жамиятыбыз савлугъу булан ва насипли болма тарыкъ!
Шогъар гёре, биз докторланы таклифлерине тынгламагъа, олар айтгъанны этип, вакцина этдирмеге, халкъыбызгъа ва Есибюизге къуллукъ этме тарыкъбыз”,- дей Къакъашура юртну имамы Камилсолтан Зайнуков.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
