Буйнакск шагьарда
Алдагъы гюнлерде Буйнакск шагьарны юбилейи болду. Шо шатлы чараны вакътисинде медицина къуллукъчулагъа багъышлангъан ял алагъан бавну ачылыву оьтгерилди.
Шо шатлы чарада абурлу къонакълар оьзлени ортакъчылыгъын болдурду. Демек, ДР-ни Пачалыкъ секретары Магьамматмолтан Магьамматов, республиканы савлукъ сакълав министрини заманлыкъгъа борчларын кютеген Татьяна Беляева, ДР-ни Халкъ Жыйыныны савлукъ сакълав, загьмат ва социал сиясат комитетини ёлбашчысыны орунбасары Ильяс Мамаев ва Къарабудагъгент районну башчысы Магьмут Амиралиев ортакъчылыкъ этдилер.
Олар оьзлени сёйлевлеринде докторлагъа ва медицина къуллукъчулагъа этилеген гьюрметни гьакъында айрыча эсгердилер. Ачыкълашдырып айтсакъ, медицина къуллукъчулар артдагъы йыл ярымны ичинде коронавирус аврув булан ябушувда оьзлени касбу бажарывлулугъун, оьр сан янлы билимин халкъгъа бирдагъы керен аян этдилер. Оланы атына чараны барышында баракалла ва макътавлу сёзлер айтылды.
Оьтгерилген чараны ахырында медицина къуллукъчулагъа эсделик ачылды ва жанлы гюллер салынды.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
