Меню
16+

Сетевое издание "Району яшаву"  «Будни района»

24.12.2021 09:45 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Районубузну гюзгюсю...

Декабр айны 17-нде Дёргели юрт китапханада «Районну яшаву» газетни 70-йыллыкъ юбилейине багъышлангъан «Районну яшаву» — районну гюзгюсю» деген чара оьтгерилди.

Чараны ачгъан ва юрютген китап­хананы ёлбашчысы А.Изиева газетни тарихи, онда загьмат тёгегенлер гьакъда хабарлады.

- Белгили кюйде, ноябр айда бизин районну газети оьзюню 70-йыллыкъ юбилейи белгиледи. Бизин газетибиз республикадагъы район газетлени арасында гёрмекли ерни тутуп гелген.

Бизин район газетибизде районда болуп турагъан бары да янгылыкъланы охума болабыз. Газетде экономика, билим берив, савлукъ сакълав, маданият, юрт хозяйство тармакъларда, район ва юрт администрацияларда этилеген бары да ишлени гьакъында языла.

Баш редактор Асадулла Гьажиев ва журналистлер бары да янгылыкъланы охувчулагъа гюзгюден герсетегенде йимик суратлама бажара. Ишини къыйынлыкълыгъына да къарамайлы, олар гьар гюнлер булан намуслу кюйде, толу кюйде ишине берилип загьмат тёге.

Биз газетни савлай коллективин «Районну яшаву» газетни юбилейи булан къутлай туруп, олагъа савлукъ, агьлюсюне парахатлыкъ яратывчулукъ уьстюнлюклер ёрайбыз, — дей А.Изиева.

Сёз берилген Дёргели 1 номерли орта школаны муаллимлери С.Атаева, Р.Ягьияева, завучу А.Багьавутдинова, педагогу, ерли шаир Н.Шугьайыпова, юрт китапхананы актив охувчулары, Дёргели 2 номерли школаны завучу М.Атагишиев ва Дёргели 1 номерли орта школаны муаллими Ш.Шагьвалиев, Дёргели 2 номерли орта школаны муаллими, ерли шаир М.Насухова «Районну яшаву» газетни иши гьакъда хабарладылар. Коллективге савлукъ, ишинде оьрлюклер, яратывчулукъ уьстюнлюклер ёрадылар.

Олай да, М.Насухова газетни юбилейине багъышлап оьзю язгъан шиъруну гёнгюнден охуду.

Чарада сёйлегенлер барысы да газетни коллективине оьзлер кёп сююп охуйгъан ва бек къаравуллайгъан газетни уьстюнде къайратлы загьмат тёгегени саялы гьакъ юрекден баракалла билдирдилер.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3