Ватандашланы къабул этди

Къабул этгенлени арасында Къарабудагъгент район администрацияны башчысыны биринчи орунбасары Ибрагьим Абдулмежитов, районну администрациясыны башчысыны кёмекчиси Камил Мурзаев, Къарабудагъгент юртну башчысы Магьамматсолтан Гьасанов ва оьзге ватандашлар бар эди.

Олар оьзлени сёйлевлеринде табиатны якълавну болдурагъан прокуратураны жаваплы къуллукъчуларына чёпню ташлайгъан хас къуюланы районну топуракъларындан тайдырмакъ ва шоланы бегитмек учун чаралар гёрмеге, чёпню топлайгъан ва жыягъан хас идараланы ишине тергевюн болдурмагъа, машинлени жувагъан мойкалагъа сувну тазалайгъан къураллар салмакъны талап этмеге чакъырдылар.

Оланы арзаларына ва тилевлерине жавап къайтара туруп, Магьачкъала районара табиатны якълав прокуроруну къуллукъларын кютеген Максим Макашов, шо гётерилген масъалаланы чечмек учун республиканы табии якълав ва экология министерлигине кагъызлар язмагъа тарыкълыгъын ва шолай масъалаланы судну къарары булан яшавгъа чыгъармагъа болагъанын ачыкълашдырды.