Меню
16+

Сетевое издание "Району яшаву"  «Будни района»

10.12.2021 10:34 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Магьмут Амиралиев «Партияны аслу мурады – регионлагъа кёмегин болдурмакъ»

Белгили кюйде, 2001-нчи йылны декабр айыны 2-синде бизин элибизде «Бирлешген Россия» деген Бютюнроссия политика (сиясат) партия къурулду. Шо партиягъа РФ-ни Президенти Владимир Владимирович Путин оьзюню ёлбашчылыгъын болдурду. Шоллукъда, арадан оьтген 20 йылны ичинде «Бирлешген Россия» деген партия РФ-ни Пачалыкъ Думасыны артдагъы чакъырывларында алдынлыкъны алгъан ва оьзюню чалышывунда кёп тюрлю милли проектлер, программалар къабул этген ва шоланы яшавгъа чыгъармакъ учун ишлеген.

Оьрде эсгерилген кюйде, бу йыл «Бирлешген Россия» Бютюнроссия сиясат партия оьзюню 20 йыл­лыкъ юбилейин къаршылады. Шо 20 йыл­ны ичинде партияны 20 съезди оьтгерилген ва шо съездлени барышында халкъны яшавун яхшылашдырмакъ ва оьсдюрмек муратда партияны программалары къабул этилген.

2021-нчи йылны барышында «Бирлешген Россия» партияны ХХ-нчы съезди 3 этапгъа бёлюнюп ­оьтгерилди. Шо съездни барышында бизин республикабызны делегациясында ону вакили гьисапда «Къарабудагъгент район» муниципал районну гьакимбашы Магьмут Амиралиев де ортакъчылыкъ этди.

Оьтгерилген 20-нчы съездни гьакъында районну башчысы Магь­мут Амиралиев булай айта:

- Гертилей де, арадан тарихге оьтген 20-йылны боюнда хыйлы алмашынывлар ва алгъа багъып бурулувлар болгъан. Айтагъаным, пачалыгъыбызны якълав гючю булан бирче дюньяны уьстюндеги оьзге гьукуматланы арасында да бизин элибизни абуру артгъан. Олай да, халкъны социал масъалалары йыл сайын уьстюнлю кюйде чечиле юрюй деп токъташ­дырмагъа ихтиярыбыз бар. Савлукъ сакълав, билим берив, юрт хозяйство, промышленност, маданият, спорт, социал якълав ва дагъы да башгъа тармакъларда кёп ишлер этилген.

Олай да, 4-нчю декабрде «Бирлешген Россия» Бютюнроссия сиясат партияны ХХ-нчы съездини 3-нчю этабы оьтгерилди. Шонда республикабызны делегациясында магъа да ортакъчылыкъ этмеге насип болду. Республикабызны делегациясына ДР-ни Башчысы Сергей Меликов оьзюню ёлбашчылыгъын болдурду.

Съездни барышында РФ-ни Президенти, бизин лидерибиз Владимир Владимирович Путин де ортакъчы­лыкъ этди ва съездни ортакъчыларына доклад булан сёйледи. Ол эсгерген кюйде, «Бирлешген Россия» Бютюнроссия сиясат партия россиялыланы абурун къазангъан, халкъ партияны вакиллерине инамлыгъын билдирген, сайлавларда оланы кандидатларын якълагъан ва сайлагъан.

Гьукуматыбызны башчысы Владимир Путинни сёзлерине гёре, партия гьар заман РФ-ни регионларын якълагъан ва энниден сонг да олар якълав табажакъ. Артдагъы йылланы ичинде РФ-ни субъектлерини башчылары алышынгъан ва олар партияны регион бёлюклерине ёлбашчылыгъын болдура.

Айтагъаным, элибизни ёлбашчылары жагьил ва бажарывлу губернаторлагъа инамлыкъ билдире ва олагъа юрютмеге ишни тапшура. Шо губернаторлар партияны жамият институтларындан оьтген ва ишни юрютювде оьзлени касбу бажарывлулугъун ачыкълашдыргъан.

Оьтгерилген съездни барышында «Бирлешген Россия» партияны органларыны ёлбашчылары ва вакиллери янгыртылды ва алышынды. Демек, ДР-ни Башчысы Сергей Алимович Меликов «Бирлешген Россия» Бютюнроссия сиясат партияны Генеральный Советини составына сайланды.

Сергей Меликовну партияны оьр даражасы булангъы къурум органына сайланмакълыгъы, пачалыгъыбызны ёлбашчылары огъар инанагъанын ва республиканы тюз ёлгъа салажагъын исбатлай.

«Бирлешген Россия» Бютюнроссия сиясат партия оьтгерилген съездде артдагъы 5 йылны ичинде оьзюню чалышывуну гьасиллерин чыгъарды. Олай да, гележекде элибизни оьсювюн ва халкъны талапларын яшавгъа чыгъармакъ учун борчлар алды.

Гертилей де, «Бирлешген Россия» партияны съездини элибизни халкъы учун пайдасы болур деп инанабыз.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4